Job 40
40
1Nagtaram pa an Kagurangnan ki Job:
2“Job, inagyat mo an Makakamhan na Dios;
maontok ka na o masimbag pa?”
3Dangan sinimbag ni Job an Kagurangnan:
4“Nagtaram ako siring sa sarong lolong, Kagurangnan; ano an ikakasimbag ko saimo?
Dai na ako mataram nin ano pa man.
5Ikinataram ko na an labi pa sa dapat kong sabihon.”
6Dangan hale sa makosog na doros nagsimbag an Kagurangnan:
7“Tumindog ka siring sa sarong lalaki;
hahapoton taka, asin simbagon mo ako.
8Boot mong patunayan na bako akong matanos—
tanganing ipahiling na ako nasasala asin ika an nasa tama?
9Makosog ka daw arog sa sako?
Makakadaguldol daw an saimong tingog siring kakosog kan sakong tingog?
10Kun magigibo mo, tumindog ka sa saimong kaomawan asin kapalangkawan;
maggubing ka nin kamurawayan saka kagayonan.
11Pabulosa an nagsusupay mong kaanggotan,
asin hilinga an gabos na nagpapalangkaw, dangan saimong ibaba.
12Hilinga an lambang mapaabaw-abaw, asin ibaba mo siya;
timaktimakan mo an maraot sa saiyang natitindogan.
13Ilubong mo sinda sa kinaban kan mga gadan.
14Dangan ako an enot na maomaw saimo
asin maako na ika mismo an nanggana.
15“Hilinga an impakto na si Behemot,#40:15 BEHEMOT: An ibang tawo nagpapahayag na iyo ini an hipopotamo; an iba, na saro ining linalang sa leyenda.
na sakong linalang siring na ika linalang ko;
arog kan baka, nagkakakan siya nin doot.
16Hilinga, an saiyang kosog yaon sa saiyang habayan,
asin an saiyang kapangyarihan yaon sa kosog kan saiyang tulak,
17An saiyang ikog pinapatagas niya na garo sedro;
asin an saiyang mga bitis anas makokosog.
18An saiyang mga tolang garo mga tubo nin bronse,
an saiyang mga bitis siring sa mga bara nin lansang.
19“Siya an pangenot sa gabos kong linalang!
An saiyang Kaglalang sana an makakadaog saiya.
20An doot na kinakakan niya nagtatalubo
sa kabubuldan, saen nagkakawat an mga lalaw na hayop.
21Minahigda siya sa lindong nin mga marambong na kahoy, asin minatago
sa tahaw kan mga bariw sa tampi kan sapa.
22Nalilindongan siya kan mga marambong na kahoy;
napapalibotan siya kan mga kahoy sa mga sapa.
23Dai siya natatakot sa salog na nagbabaha
matoninong siya kun nagbubulos an Jordan sa ibabaw kan saiyang ngoso.
24Siisay an makakabuta asin makakadakop saiya,
o makakasiod kan saiyang ngoso?
Currently Selected:
Job 40: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
