Ane rom, echî 12

Ekpin nji nne Obhasi

1Atem-abhon-í-nnyen, ka achot mma é yuk nná fép, n kí goré ên mân bəre ka obhô ekpatə́m í nsôn nnyi Obhasi a riî êt, deê ó káre ên biji ibhə́né mbâ eye. Karê ên biji ka ekpin ejə́né mbâ Obhasi noŋ kpe mbúi nnyi á kíi sê á yîm efin. Yim ên ka ekpak é kí gyebhé yê ka ḿbə́ŋé, nne a kâ fôn kpe akôp ka ochî obhê. Nâ mfoné-mfoné ejík nji Obhasi a wóme. 2Deê nne a kâ kpô tóp ekpin í ngun nnyí. Deê Obhasi a yóŋé ên ḿbə́ŋé, a yim ên o kérá ên ekpak etat nji fê. Ka ekpak njí, tîk o gáe ên o yên ên ejûm nji Obhasi a wóme. Tîk o yên ên fə́ne ejûm nji é kí joé nono, é gyebhá yê ka ḿbə́ŋé, é rî fə́ne ka mfoné mbá.

3Ka onobhá-eji mbi Obhasi a karê ə̂m, n kí choe kpe nnyón nne owəné bəre a kâ kô biji se yê a chíŋi abhô. Deê ó kó ên ekpak ekəp nji Obhasi a karê ên ka ḿbə́ŋé nnyi o kíi ên na yê, ó mə́ŋe ên nji é bhíghi na ên. 4Ka ekpak njí, biji nne í fóne ayô etî-etî, kpe njə́n eyô é fôn obhê obhô etûm.#1 Korin 12.12. 5Nâ noŋ fə́ne êt fép é kpê na Jisos Krayis é chəm noŋ ayô ka biji bhə́t, kpe njə́n eyô é ji kone na ntem. 6Obhasi a káre êt kpe énê ejê ekəp egyê ka ekpak a tóŋe êt onobhá-eji obhê. Deê é kó bikəp ibhə́ré mbí egyê-egyê, é yîm nji yê a wóme. Ájoé Obhasi a karê wâ se o kará otîp obhê, karê fə́ne ḿbə́ne ka ekpak í ḿbə́ŋé nnyi o kíi na Obhasi.#1 Korin 12.4-11. 7Ájoé ejâ ekəp a ri atem-ane etʉ́ghʉ́m, tʉ̂k ábho. Ájoé a ri atem-ane ekpíím, kpî ábho. 8Ájoé Obhasi se o kaghá atem-ane ḿbə́ŋé, kak ábho. Ájoé a ri atem-ane enyáŋám ka eket ábho, nyáŋe ábho na ḿbə́ŋé eya jáé. Ájoé se ó jóe nne-echî, deê ó fî ekumi otúi ejâ na ḿbə́ŋé-a-ḿbə́ŋé. Ájoé Obhasi a yîm wâ se o tóŋá onono na ntem-nne nnyo a ri ka oseŋe, deê ó yimá na ogyebhá-ḿbə́ŋé.

9Deê okot obhə́né na atem ó jóe ḿbə́ŋé yə́t. Maghê ên obhí, fiî ên ka onono. 10Tóŋe ên mfoné-mfoné okot na atem noŋ abhon-í-nnyen mba Jisos Krayis. Ntem a jíghí ntem na ogyebhá-ḿbə́ŋé. 11Nne a kâ kâk ojan ka etûm í Ńtâ Obhasi, yim etûm ejê na ḿbə́ŋé eya fép. 12Deê o kâ yíghi ên ḿbə́ŋé sê Obhasi a rô yim nji a chimî. Fon ên ogyebhá-ḿbə́ŋé ka ḿbə́ŋé nnyi ó kik ên nná. Deê nne a kə́p ḿbə́ŋé ka kpe bhaghé oseŋe mbi ó tə́ma yê. Gorê ên Obhasi chénchén ebhú. 13Ó fon, ntem á ka fon, deê ó nyáŋé yê a fon. Fiî ên ajéné na ogyebhá-ḿbə́ŋé.

14Nne á timi ên obhí, deê o kâ súri ên yê ajom, gorê ên a ri Obhasi a karé ntʉ́ghi nne ányo enare.#Mat 5.44; Luk 6.28. 15Deê ó gyébhe ên ḿbə́ŋé eróŋ na atem mba á rî ka ogyebhá-ḿbə́ŋé. Ka mághe ên atem ka nchot a tə̂m ábho. 16Joê ên ka onobhá-eji na chénchén atem-abhon-í-nnyen, kpe á rî nan. Ka yûŋ ên biji, chəm ên biji na ane mba á kí kep sê a ri ane chichi. O kâ kére ên sê ó məŋe ên ó chiŋ.#Ngan 3.7.

17Ájoé nne a yîm wâ obhí, deê o kâ yîm yê ó fé. Yim ejûm nji chénchén ane á kí yen sê é rî nono. 18Ka ibhâ biji, nok nnyen enoghóm se ó kúmi ên ka ekone na chénchén ane. 19Atem í ḿbə́ŋé, nne a kâ dî ntem nkáŋ. Maghê Obhasi a yám ḿbə́ŋé na ntʉ́ghi nne ányo. We ka yám. Ka ekpak nji á séŋe sê, “Ńtâ Obhasi a chími se, ‘Nkáŋ edíím a ri mme nâ m fonê, tîk n yîm ábho m fê.’ ”#Otira 32.35. 20Kən á kpô séŋ sê, “Ájoé nne-ebhan owa, njaé a kí yam yê, karê yê édî. Ájoé ayép á kí kot yê, wôm ayép karê yê a gwó. Ó yim ka ekpak njí, echî é kí yup yê ekpatə́m.”#Ngan 25.21-22. 21Nne a kâ kâm se obhí ó fôn érûm ka ekpin ejê, kən deê nne a kó ono a nok na obhí a fon érûm.

Currently Selected:

Ane rom, echî 12: ETUNT

Highlight

Compare

Copy