Tushimpi 3
3
Bubule ku Bakubushi
1Mwanangu, uteeluba injiisho yangu,
pele monzo wako usunge malailile angu,
2Nkaambo mazuba, myaka ya bumi
u luumuno shilakazungilwa alyuuwe.
3Utaleka luse luteeli u bushomeshi kukusanikizha,
shaange munshingo yako,
shilembe ukoya ebwe mu monzo.
4 #
Lk 2:52
Ubobo ulakayana choolwe u kuhwililila kubotu
kubushu bwa Leza u muntu.
5Shoma Yaahwe umonzo wako woonse,
utashaaminini akuteelelesha kwako umwini.
6Zhiba Yaahwe munzhila shako shoonse,
ulakasuumika inzhila shako.
7 #
Bal 12:16
Utabi musongo mu menso ako umwini,
tiya Yaahwe, chinduluka kuhwa ku chibi.
8Chilakaponya mubili wako,
u kubukulusha mafhuwa ako.
9Lemeke Yaahwe ubuhubi bwako,
umichelo mitaanzhi ya shilimwa shako,
10Ndilelyo matala ako alakezula chibaala,
matalo ako alakezula waini.
11 #
Jobo 5:17
#
Bahi 12:5, 6 Akaka mwanangu, utanyansha kulemaninwa u Yaahwe,
utatyompokelwa u kubweka kwakwe,
12 #
Cizu 3:19
Ukuti Yaahwe ulalulamika wezo ngwaafhwini,
mbubona ushi mbwaalemanina mwana wezo ngwimbotelwa aze.
13Muntu mwini-mwini kwa Leza uyana busongo,
uyana kuteelelesha,
14ukuti bulumbu buhwa ku busongo mbubotu kubaala buhwa ku siluva,
yiimpindu ya busongo ilabaala goludi.
15Busongo mbubotu kubaala mabwe meebeshi,
kwiina nchuuzanda chiingaina abo.
16Koongola kuli mwitashi lya ku chilyo lyalo,
abo buhubi u bulemu mwitashi lya ku chimonsho lyalo.
17Shiyanza sha busongo shilabotelezha,
inzhila sha busongo shoonse nduumuno.
18Busongo ndiisamu lya bumi kuli babukwatilila;
babukakatila balilongezhelwe.
19Kwiita mu busongo, Yaahwe wakashimpa inshi,
kwiita mu kuteelelesha, wakashitikizha izeulu,
20mu luzhibo lwakwe, wakashinkula tunkuni,
makumbi alalosha mume.
21Mwanangu, shitamuhwi u menso ako sheshi,
kwata busongo buzwile u mancha,
22shilakaba bumi bwako,
yiintenda munshingo yako.
23Ulakeenda munzhila yako cha kuliiba,
itende lyako talikalifhumpuli.
24Kuti na woona, tukatiyi,
tulo twako tulakaba twiinu.
25Utalitiyi ipenzhi lya chibukilambuta,
nikuba kuzonaunwa kwa basofhweele, lelyo kwakashika.
26Ukuti Yaahwe ulakaba chishomezho chako,
wezo ukaasunga itende lyako kuhwa kukukwatwa.
27Utakasha bubotu kuli beelelwe,
lelyo nuuchikonzha kuchita bobo.
28Utaambila shimukobonoko ati, “Koya, ukazhoke alimwi,
ndakakupa zona,” kwaakuli ulichikwete.
29Utakwati makanze mabiyabi kulwisha shimukobonoko,
wezo ukala aze cha lushomo.
30Utakwankwani umuntu kwiina kaambo,
wezo wiina nchaakuchisa.
31Utalikumbuzha muntu mulwati,
utasala inzhila shakwe,
32ukuti mumpelenge nchisesemyo kwa Yaahwe,
pele basuumene mbeenzhiina.
33Chishinganyo cha Yaahwe chili aŋanda sha basofhweele,
pele ulalongezha mukala baluleme.
34 #
Jem 4:6; 1 Pita 5:5 Ulasaalizha babo basaalizha,
pele babo balibonzha ulabafhwila inkumbu.
35Basongo balakakona bulemu,
pele balimbushi balabweza isampu.
Bible Society of Zambia