HINWƆ HI MITS YOHANA 6

1Mi wɛɛ mi gbɛn Tamwaa bɔ pid ba̧a̧n fa̧a̧sya nɔɔn-er wɔ za gbun ya̧a̧gbarɔ. Mi wɛɛ mi lag hinza̧a̧til nas wɔ zaaya̧ gbunu elhin an bɛlya̧a̧sɛɛki:

a zaamɔ!

2Yɔ mi seelɔl anyɔ mi gbɛn dɔy buu. Za̧a̧n bɔ gi hage wa̧a̧ taab naandu, hi wɛɛ hi gaag waar ums kalɛ. Wa̧a̧ gbɔnɔ rek an lɛlɗɛɛkya, wɛɛ an gi ɗɛɛ lɛl ɓɛ. 3Yɔ Tamwaa bɔ pid ba̧a̧n fa̧a̧sya eesim bɔ, mi lag hinza̧a̧til eesim bɔ raa:

a zaamɔ!

4Dɔy za wɛɛ tuuzɔ, gi hobtɔnɔ an laa, za̧a̧n bɔ gi hage hi gaag tɛŋk an gi yaa nɔk a hɛbtdi an dood hi gbɔmtinu; hi wɛɛ hi gaag daŋbɛsim gbɔɔlɛ. 5Yɔ wɛɛ gi pid ba̧a̧n taasim bɔ, mi wɛɛ mi lag hinza̧a̧til taasum bɔ raa:

a zaamɔ!

Mi wɛɛ mi seelɔlɛ mi gbɛn dɔy wilɔ, za̧a̧n bɔ gi hage wa̧a̧ diklaala hingoonikya naan du. 6Mi wɛɛ mi lag hinza yɔ riitin an ya̧a̧boonɛ, fu̧u̧z a hinza̧a̧til wɔ teesya̧ bɔ gedu, gi raako:

a totfolk goonis gbunu, tus gaat gbunu, wɛɛ tot dɛɛm goonis taarɛ, tus gaat gbunu; yɛrɛ bɔmɔ ha̧tir kurum bɔ hi bumhob bɔ.

7Yɔ wɛɛ gi pid ba̧a̧n nasum bɔ, mi wɛɛ mi lag hinza̧a̧til nasum bɔ, raa:

a zaamɔ!

8Mi see mi gbɛn dɔy za kutirɛ. Za̧a̧n bɔ gi hage nuŋgɔ a wɔrko. Wɔrkɛ ɗɔɔtillɛl gig fɔko. Hi gaahi tɛŋko a hɛbt bɔ bɛrkɔ nas wɔ zaaɔ gbun bɔ ge an hi gbɔm dood hi daŋbɛsimi, hi a̧a̧kili, hi gums ha̧a̧lɛ, hi namb hɛtum wɔ a hɛbtdi. 9Tamwaa bɔ wɛɛ pid ba̧a̧n nɔɔntums bɔ, mi gbɛn dood wɔ hi gbɔ̧hi a Bɛt dɔgl dɔŋgo hi a dɔgl yɔ hi boo nɛ a Yeesu dɔŋgo kolya̧ a Bɛtmaaksɛŋk bɔ gi dɔŋdi.

10Hi ɓookya̧a̧ ha̧a̧ltɔnɔ hi raako:

a Waar Bɛt Tɛŋkya sɛw, mɔɔ Doo Gaati, mɔɔ Doo Hinrɔbdɔkya! Yɛrɛ ma wí oom ma gi tuur bili an mɔ gbaas dood wɔ waal du hi gbɔ̧wi dɔglɛ?

11Yɔ anbɔ, hi gaahi dimnaan buu gbunu gbunu, hi wɛɛ hi raahi a hi hol kete, hi oo kaasi, gi tuur an nahiza Bɛtwoosya wɔ gɔ hi gbɔ̧hi an hii be kitigya̧ gi baa lɛlɔge.

12Kuudu yɔ Tamwaa bɔ wɛɛ gi pid ba̧a̧n nɔɔn-gbun bɔ, mi seelɔl mi gbɛn hɛbt nam ha̧a̧ltɔnɔ, ɔ̧t nimɔ, lɛl wil an sɛ́ɛ́ duko. Sɛɛ hob an ga̧a̧mɛ. 13Sɛwaat wɔ bɛtha hi mɛlz hɛbtdi an zɛk ha̧a̧l gɔ nams yɔmntnɔɔ humlɔ mɛrkɛ wɔ hi kpɔmɔ.

14Bɛtha wɛɛ wɛɛ an ɗɛɛrwol yɔ gɔ hi ka̧a̧ko; ga̧a̧t wɔ sɛw hi hɛbt wɔ mɛm rɔhi hi ha̧siy a lɛlya̧ wɔ ge be. 15Yɔ anbɔ, waar gbɔlɛ wɔ hɛbtdi, hi waar ɛ dɛɛt wɔ, laaya wɔ gbɔlɛya̧ wɔ, dood rɔɔsya wɔ, dood tɛŋkya wɔ hi dood sɛw, an gbaarɛ sɛw, hi dood wɔ hi taa gbaarɛ gɛ, hi nɔɔ hi rek hi yaat a wa̧l du hi a hɛɛl bulk wɔ hi du a gol ha. 16Hi wɛɛ hi raa gol wɔ hi hɛɛl gbɔlɛ wɔ:

a ɛ̧bzin wi muulɛ nɛ yaatiwi an bɔ̄ za̧a̧n bɔ gi ɗɔɔtig a waar ums ɗɔɔtillɛl gi gbɛniwi, hi an bɔ̄ Tamwaa bɔ nɔɔtigɔ gi zɛ̧wi. 17Yɛrɛ nɔɔtigya̧ ɔ̧t gbɔɔl bɔ tuur ma. Bɔ gin tɛŋk an gi er hi muutdu nɔ?

Currently Selected:

HINWƆ HI MITS YOHANA 6: NTD

Highlight

Copy

Compare