Popular Bible Verses from HINWƆ HI MITS YOHANA 6

Share

Mi see mi gbɛn dɔy za kutirɛ. Za̧a̧n bɔ gi hage nuŋgɔ a wɔrko. Wɔrkɛ ɗɔɔtillɛl gig fɔko. Hi gaahi tɛŋko a hɛbt bɔ bɛrkɔ nas wɔ zaaɔ gbun bɔ ge an hi gbɔm dood hi daŋbɛsimi, hi a̧a̧kili, hi gums ha̧a̧lɛ, hi namb hɛtum wɔ a hɛbtdi.

Yɔ mi seelɔl anyɔ mi gbɛn dɔy buu. Za̧a̧n bɔ gi hage wa̧a̧ taab naandu, hi wɛɛ hi gaag waar ums kalɛ. Wa̧a̧ gbɔnɔ rek an lɛlɗɛɛkya, wɛɛ an gi ɗɛɛ lɛl ɓɛ.

Tamwaa bɔ wɛɛ pid ba̧a̧n nɔɔntums bɔ, mi gbɛn dood wɔ hi gbɔ̧hi a Bɛt dɔgl dɔŋgo hi a dɔgl yɔ hi boo nɛ a Yeesu dɔŋgo kolya̧ a Bɛtmaaksɛŋk bɔ gi dɔŋdi.

Hi ɓookya̧a̧ ha̧a̧ltɔnɔ hi raako: a Waar Bɛt Tɛŋkya sɛw, mɔɔ Doo Gaati, mɔɔ Doo Hinrɔbdɔkya! Yɛrɛ ma wí oom ma gi tuur bili an mɔ gbaas dood wɔ waal du hi gbɔ̧wi dɔglɛ? Yɔ anbɔ, hi gaahi dimnaan buu gbunu gbunu, hi wɛɛ hi raahi a hi hol kete, hi oo kaasi, gi tuur an nahiza Bɛtwoosya wɔ gɔ hi gbɔ̧hi an hii be kitigya̧ gi baa lɛlɔge.

Dɔy za wɛɛ tuuzɔ, gi hobtɔnɔ an laa, za̧a̧n bɔ gi hage hi gaag tɛŋk an gi yaa nɔk a hɛbtdi an dood hi gbɔmtinu; hi wɛɛ hi gaag daŋbɛsim gbɔɔlɛ.

Yɛrɛ nɔɔtigya̧ ɔ̧t gbɔɔl bɔ tuur ma. Bɔ gin tɛŋk an gi er hi muutdu nɔ?

Kuudu yɔ Tamwaa bɔ wɛɛ gi pid ba̧a̧n nɔɔn-gbun bɔ, mi seelɔl mi gbɛn hɛbt nam ha̧a̧ltɔnɔ, ɔ̧t nimɔ, lɛl wil an sɛ́ɛ́ duko. Sɛɛ hob an ga̧a̧mɛ. Sɛwaat wɔ bɛtha hi mɛlz hɛbtdi an zɛk ha̧a̧l gɔ nams yɔmntnɔɔ humlɔ mɛrkɛ wɔ hi kpɔmɔ.

Yɔ wɛɛ gi pid ba̧a̧n taasim bɔ, mi wɛɛ mi lag hinza̧a̧til taasum bɔ raa: a zaamɔ! Mi wɛɛ mi seelɔlɛ mi gbɛn dɔy wilɔ, za̧a̧n bɔ gi hage wa̧a̧ diklaala hingoonikya naan du. Mi wɛɛ mi lag hinza yɔ riitin an ya̧a̧boonɛ, fu̧u̧z a hinza̧a̧til wɔ teesya̧ bɔ gedu, gi raako: a totfolk goonis gbunu, tus gaat gbunu, wɛɛ tot dɛɛm goonis taarɛ, tus gaat gbunu; yɛrɛ bɔmɔ ha̧tir kurum bɔ hi bumhob bɔ.

Bɛtha wɛɛ wɛɛ an ɗɛɛrwol yɔ gɔ hi ka̧a̧ko; ga̧a̧t wɔ sɛw hi hɛbt wɔ mɛm rɔhi hi ha̧siy a lɛlya̧ wɔ ge be. Yɔ anbɔ, waar gbɔlɛ wɔ hɛbtdi, hi waar ɛ dɛɛt wɔ, laaya wɔ gbɔlɛya̧ wɔ, dood rɔɔsya wɔ, dood tɛŋkya wɔ hi dood sɛw, an gbaarɛ sɛw, hi dood wɔ hi taa gbaarɛ gɛ, hi nɔɔ hi rek hi yaat a wa̧l du hi a hɛɛl bulk wɔ hi du a gol ha.