HINWƆ HI MITS YOHANA 16

1Mi wɛɛ mi lag ya̧a̧ za booy hi tɛŋk a Bɛtluk du gi raak Bɛt walɛsɛrɛ nɔɔn-er wɔ:

a silin hɛbtdi nɛ gub hinwɔ hi gi a Bɛt nɔɔtigɔ dak wɔ nɔɔn-er gedu!

2Bɛtwalsɛr doos bɔ sil gubz hinnɔɔtigya bɔ gi a dakɔ bɔ gedu a hɛbtdi. Yɔ anbɔ nɔk ha̧a̧l wɔ hi bɛr seek gɛ hi tuu a dood wɔ hi gin nambhɛtum bɔ gbɛɛtɔ hi muulɛ hi wɔ hi ɗɔbsig muulɔ bɔ hi wɔmɔ.

3Bɛtwalsɛr eesim bɔ sil hɛbtdi gubz hin bɔ gi dak du a mɛmbal gbɔɔl du. Mɛm wɛɛ zɛmr an wɔ̍rk za ga̧a̧mɛ. Hinza̧a̧til wɔ hi ginɛ a mɛmbal gbɔɔl bɔ gedu sɛw hi wɔrɔ.

4Wɛɛ kuudu Bɛtwalsɛr taasim bɔ sil hɛbtdi gub hin bɔ ginɛ gi dak du a zɛɛ wɔ hi du, hi mɛmzɔk wɔ hi du, mɛm wɔ hi wɛɛ ga̧a̧mɛ. 5Mi wɛɛ mi lag Bɛtwalsɛr bɔ gi mɛm zulya dɔgɔ:

a Baa, mɔɔ gi Doo Gaati. Mɔ da mɔ gi amntɔnɔ hi nɛɛko. Mɔ gi Doo rɔbo a dɔgl-gbaak mɔ bɔ gedu. 6Anyɔ dood wɛrɛ hi gubr dood mɔ ga̧a̧mya̧ hi ya̧a̧kɛŋkya mɔ wɔ ga̧a̧mya̧, ya̧a̧nɛ mɔ yɔ̧nihi ga̧a̧mɛ. Hi dag hinyɔ rii nɛ an hi dag giya.

7Mi wɛɛ mi lag Bɛt-maaksɛŋk bɔ gi dɔko:

a hɔɔ, anbɔ, Waar Bɛto Tɛŋkya-Sɛw, mɔ gi gbaak dɔgl rɔbo anyɔ rii.

8Kuudu Bɛtwalsɛr nasum bɔ rek da gubz hinyɔ gi a gi dak du a ɔ̧t muulɛ, wɛɛ hi gàà ɔ̧t bɔ gbɔnɔ an gi dɔ̧ɔ̧s dood hi laa. 9Ɔ̧t bɔ dɔ̧ɔ̧s dood wɔ, hi wɛɛ hi nii Bɛt nuŋgɔ yɔ gi ya̧a̧rhant wɔrɔ zulya̧. Hí tā̧ā̧ hin-ha̧a̧lya̧ ɔɔk an hi wɛɛ hi zɛmr kpoosya̧ a Bɛt ge hi gaag gbɔlums gɛ.

10Bɛtwalsɛr nɔɔntums bɔ siz gubz hinyɔ gi a gi dak du a nambhɛtum ha̧a̧l waar ums ɗɔɔtillɛl bɔ ge, lɛl bul gɔ a waar ums lɛl bɔ ge sɛw. Dood wɔ hi lak kosgumnɛ hi ɓalsig nuŋgya̧. 11Yɔ kosgumn bɔ gihi tɔko hi nɔk ha̧a̧l wɔ, hi nii Bɛt yɔ gi a bɛtha; wɛɛ hā̧ā̧hi hin-ha̧a̧lya̧ ɔɔk an hi zɛmr kpoosya̧ gɛ.

12Bɛtwalsɛr nɔɔngbun bɔ sil gubz hinyɔ gi a gi dak du a zɛɛ gbɔɔl bɔ nuŋgɔ a Ofurata gedu. Mɛm bɔ duhɔ ɔ̧ɔ̧sa, zɛɛ bɔ kootɔ an waar ɛ gbɔlɛ wɔ a ɔ̧tkazigi hi dag gbɔnɔ daak gedu.

13Mi wɛɛ mi gbɛn loorɛ bɔbtin taarɛ hi gi an puli hi tuuzig a beksloorɛ bɔ gi ya̧a̧ du, hi nambhɛtum ha̧a̧l bɔ gi ya̧a̧ du, hi ya̧a̧kɛŋkɔya bɔ gi ya̧a̧ du. 14Loorɛ bɔbtin wɔrɔ hii gi loorɛha̧a̧l walɛsɛrɛ wɔ hi wookwoos gɛrsyaadɛ. Hi wɛɛ hi rek a waar ɛ gbɔlɛ wɔ hi gi waal du hi sɛw an hi mɔksihi hi gɔ nɔk a Bɛt Tɛŋkya-Sɛw ɔ̧tɔ bɔ gedu.

15(Yɛrɛ laginɛ! Be zaak an luuri. Hat gi a za̧a̧nyɔ gi lɔlɛ gi wɛɛ gi gbaak gbandilɔ rɔbtɔnɔ ge an bɔ gi ɛmb ɔ̧lɛ gi dag seem a dood muutdu. )

16Loorɛ bɔbtin wɔ hi mɔks waar ɛ gbɔlɛ wɔ a lɛlyɔ gɔ hi el nuŋgɔ a Ibraniŋko ya̧a̧boon du a Harmagedɔŋ ge.

17Bɛtwalsɛr nɔɔn-eesum bɔ gubz hinyɔ gi a gi dak du a bɛtha. Ya̧a̧ za booy hi tɛŋko a Waar ums ɗɔɔtillɛl bɔ ge a Bɛtluk du:

a hinɔ da̧a̧da̧ ma!

18Bɛlya̧bs ya̧bɔ, lɛl dɔntɔ, bɛlya̧a̧sɛɛk gɔya, hɛbt nam ha̧a̧ltɔnɔ. Hɛbt nāmdir zaa anbɔ gɛ anyɔ dood hi yɛɛl tuuk waal du. 19Waal gbɔɔl mɔɔt bɔ gɛ̧ɛ̧y du taarɛ; waal gbɔlɛ wɔ hɛbtdi sɛw hi ɛ̧ɛ̧blɔ. Bɛt mɔk waal gbɔɔl bɔ gi Baabila gbɔɔl dɔglɔ, yɔ̧nig nɔɔtigɔ ha̧a̧l bumhob bɔ hi̧i̧s a dakwaa bɔ gaag gedu. Fɛ̧ɛ̧ge yɔ̧ da̧a̧sɔ.

20Hɛbt wɔ mɛm rɔhi sɛw hi wagɔ, wɛɛ hi gbɛ̄n gol za ma gɛ. 21Bɛlɓatir naadɛ naadɛ hi naŋgz wɛɛha an bɛlɛ a dood muulɛ. Bɛlɓatir gbunu, ɗɔkɔ gi kilo dumbili nasɔ. Yɔ bɛl-ɓatir bɔ ya̧a̧rhantɔ zɛm dood anbɔ, anyɔ gi gi ya̧a̧rhant ha̧a̧l be, dood hi nii Bɛt nii.

Currently Selected:

HINWƆ HI MITS YOHANA 16: NTD

Highlight

Copy

Compare