HINWƆ HI MITS YOHANA 15

1Mi wɛɛ mi gbɛn hinmɛɛnikya za gɛrsya gbɔɔl a bɛtha: Bɛt walɛsɛrɛ nɔɔn-erɛ hi wa̧a̧k hin ya̧a̧rhantya nɔɔn-er be a naan du. Hinya̧ hii gi ya̧a̧rhantya yɔ̧ɔ̧sum yɔ Bɛt nɔɔtigɔ gɔ gi da̧a̧nɔ.

2Kuudu mi wɛɛ mi gbɛn hinza an mɛmbal yɔ gaa an daarugali ɔksin hi laa, mi wɛɛ mi gbɛn dood wɔ hi ɗɛɛ nambhɛtum ha̧a̧l bɔ hi muulɔ bɔ hi wɔmɔ hi nuŋg bɔ hi ɓɛrɔ, hi er a mɛmbal bɔ gi an daarugali gi dɔŋgdi, hi wa̧a̧ ɗɛŋɗɛŋnɔɔ wɔ Bɛt gaahi naan du, 3hi ɛɛk Bɛt woosɔya bɔ Muusa hin-ɛɛnɔ hi Tamwaa bɔ hin-ɛɛnɔ:

a Waar Bɛto Tɛŋkya-Sɛw, woos mɔ hi gi hingbɔlɛ hi hingɛrsyayɔ! Hɛbt wɔ waal du Waar ya̧ gbɔɔlɛ. Gbɔnɔ wɔ gɔ mɔ fɔbɔ hi rii, hi gi rɔbo.

4Bɔ́ hoob gi ha̧a̧g mɔɔ gɛ, Waar Bɛto? Bɔ gi in nuŋg mɔ tɔɔsugo? Mɔɔ gi Doo Gaat mɔ gbunu! Dood waal du sɛw hí zaak a mɔɔge, an hi ɗɔbsumɔ, anyɔ hi gbɛn dɔgl mɔ gbaak wɔ hi mid gaattɔnɔ.

5Kuudu anbɔ mi wɛɛ mi gbɛn Bɛtluk gbandilya bɔ Bɛt gɔ dagtin gedu hi doodɛ, gboor gi aasil a bɛtha.

6Bɛtwalɛ-sɛrɛ nɔɔn-er wɔ hi wa̧a̧k nɛ hin ya̧a̧rhantya nɔɔn-er a naan du hi tuuz a Bɛtluk bɔ gedu, hi heg gbandil buudɛ fɛr a muulɛ, hi wɛɛ hi baŋg hi̧i̧lwɛɛl yɔ hi gɔn hɛɛlmɔt a hɔŋha. 7Hinza̧a̧til wɔ nas zaaya̧ gbun bɔ gaa Bɛt walɛsɛrɛ wɔ nɔɔn-erɛ hɛb wɔ hi sɔɔtin hɛɛlmɔt naan du hi̧i̧s hi Bɛt yɔ gi waak wɛlɛ hi wɛlɛ nɔɔtigɔ. 8Bɛt gbɔlumsɔ hi tɛŋkɔ hi̧i̧s a lukɔ bɔ gedu, wɛɛ uusya̧ wɔ hi tuuzugo. Doo za ɗɛ̄ɛ̄ an gi gul a Bɛtluk bɔ gedu gɛ, tuur an hinya̧a̧rhantya nɔɔn-er wɔ Bɛtwalɛsɛr nɔɔn-er wɔ hi kamzɔ hi wooy hi da̧a̧ kete.

Currently Selected:

HINWƆ HI MITS YOHANA 15: NTD

Highlight

Copy

Compare