Popular Bible Verses from HINWƆ HI MITS YOHANA 16

Share

(Yɛrɛ laginɛ! Be zaak an luuri. Hat gi a za̧a̧nyɔ gi lɔlɛ gi wɛɛ gi gbaak gbandilɔ rɔbtɔnɔ ge an bɔ gi ɛmb ɔ̧lɛ gi dag seem a dood muutdu. )

Bɛtwalsɛr nɔɔngbun bɔ sil gubz hinyɔ gi a gi dak du a zɛɛ gbɔɔl bɔ nuŋgɔ a Ofurata gedu. Mɛm bɔ duhɔ ɔ̧ɔ̧sa, zɛɛ bɔ kootɔ an waar ɛ gbɔlɛ wɔ a ɔ̧tkazigi hi dag gbɔnɔ daak gedu.

Loorɛ bɔbtin wɔrɔ hii gi loorɛha̧a̧l walɛsɛrɛ wɔ hi wookwoos gɛrsyaadɛ. Hi wɛɛ hi rek a waar ɛ gbɔlɛ wɔ hi gi waal du hi sɛw an hi mɔksihi hi gɔ nɔk a Bɛt Tɛŋkya-Sɛw ɔ̧tɔ bɔ gedu.

Mi wɛɛ mi gbɛn loorɛ bɔbtin taarɛ hi gi an puli hi tuuzig a beksloorɛ bɔ gi ya̧a̧ du, hi nambhɛtum ha̧a̧l bɔ gi ya̧a̧ du, hi ya̧a̧kɛŋkɔya bɔ gi ya̧a̧ du.

Ɔ̧t bɔ dɔ̧ɔ̧s dood wɔ, hi wɛɛ hi nii Bɛt nuŋgɔ yɔ gi ya̧a̧rhant wɔrɔ zulya̧. Hí tā̧ā̧ hin-ha̧a̧lya̧ ɔɔk an hi wɛɛ hi zɛmr kpoosya̧ a Bɛt ge hi gaag gbɔlums gɛ.

Bɛtwalsɛr doos bɔ sil gubz hinnɔɔtigya bɔ gi a dakɔ bɔ gedu a hɛbtdi. Yɔ anbɔ nɔk ha̧a̧l wɔ hi bɛr seek gɛ hi tuu a dood wɔ hi gin nambhɛtum bɔ gbɛɛtɔ hi muulɛ hi wɔ hi ɗɔbsig muulɔ bɔ hi wɔmɔ.

Loorɛ bɔbtin wɔ hi mɔks waar ɛ gbɔlɛ wɔ a lɛlyɔ gɔ hi el nuŋgɔ a Ibraniŋko ya̧a̧boon du a Harmagedɔŋ ge.