HINWƆ HI MITS YOHANA 13

1Mi wɛɛ mi gbɛn namhɛtum ha̧a̧l za gi tuuzig a mɛmbal gbɔɔl du gin gur kooblɛ hi zul nɔɔn-erɛ. Hi heg waar umskal koobl a gurɔ wɔ hahi. Hi bi̧i̧ nuŋg ya̧a̧ha̧a̧lya Bɛt zulha a namhɛtum ha̧a̧l bɔ zulɔ wɔ hage nɔɔn-erɛ. 2Mi gbɛn namhɛtum ha̧a̧l bɔ hinɔ riitin an naam bakraki, dɔɔɔ wɔ hi riitin an namb za ha̧a̧l tɛsim yɔ gɔ hi el nuŋgɔ a kùmsyɔ; ya̧a̧ɔ du riitin an naamnɔɔ ɔnɛ. Beksloorɛ bɔ gaag tɛŋkɔ hi waar umsɔ ɗɔɔtillɛlɛ hi waar ums tɛŋk za gbɔɔlɛ.

3Mi gbɛn zulɔ zaabɔ an hi gbɔŋg nɛ gbɔmɔ; wɛɛ nɔkɔ bɔ wɔn nɛko ramɔ. Yɔ hin kɔms dood hɛbtdi sɛw gɛrsɛ, hi fɔ namhɛtum ha̧a̧l bɔ kuudu. 4Dood sɛw hi ɗɔbs beksloorɛ bɔ anyɔ hi gbɛn gi gaa namhɛtum ha̧a̧l bɔ kaz mɛmbal du tɛŋkɔ. Hi ɗɔbs namhɛtum ha̧a̧l bɔ hi wɛɛ hi warɔ:

a bɔ riitin hi namhɛtum ha̧a̧l yɛrɛ nɔ? Bɔ rii an gi gɔtin gabs hi gii nɔ?

5Namhɛtum ha̧a̧l bɔ dag gbɔnɔ gɔ an gi pɛɛ zulɔ gi boo ya̧a̧ha̧a̧l a Bɛt zulha. Dag gbɔnɔ an gi wɛɛ gbɔɔl a dood zul ha sɛɛ dumbili nasɔ daatɔ eerɛ. 6Namhɛtum ha̧a̧l bɔ aaya̧a̧ an gi nii Bɛto, gi book ya̧a̧ha̧a̧l hi Bɛt nuŋgɔ hi ɗɔɔtillɛlɔ, hi wɔ hi ɗɔɔtig bɛtha sɛw.

7Wɛɛ dag tɛŋk an gi gɔ gabs hi Bɛt doodɔ gi ɗɛɛhi; dag tɛŋk a dood dɔ̧ɔ̧t zulha sɛw, a dood wɔ ya̧a̧boonya̧ gi sɔmsɔm hi zulha sɛw hi hɛbt sɛw. 8Dood wɔ hi ɗɔɔtig hɛbtdi sɛw, dood wɔ hi bı̧̄ı̧̄ nuŋgya̧ a Tamwaa bɔ hi gbɛɛrig nɛ gi za̧a̧tig ɗɛɛrwol bɔ gedu gɛ yɔ da baar nɛ a waalyɛɛliki, hí ɗɔbs namhɛtum ha̧a̧l bɔ ɗɔbsɔ.

9Za̧a̧nyɔ gi gin tɔnɛ gi kɛmɔ.

10Za̧a̧nyɔ gi an hi wà̧a̧g a gabs du, hi wà̧a̧g hi kaŋgkamɔ. Za̧a̧nyɔ gi an hi gbɔmnig daŋbɛsimi, hi gbɔmnig hi daŋbɛsimi; yɔ anbɔ, Bɛt doodɔ mɔ̧hi hinɛ hi Bɛt ɗɔbsigi.

11Mi wɛɛ mi gbɛn namhɛtum ha̧a̧l za gi tuuzig hɛbtdi, gin gur eerɛ an tamwaa, wɛɛ booya̧a̧ an beksloorɛyɔ. 12Gi woonik namhɛtum ha̧a̧l biitir bɔ tɛŋkɔ bɔ sɛw a gi lɔlgbarɔ, wɛɛ fɛ̧ɛ̧ waal sɛw hi dood wɔ hi waak gedu hi ɗɔbs namhɛtum biitir nɔk ha̧a̧lya bɔ nɔkɔ ramɔ.

13Namhɛtum eesim bɔ tuus gɛrs gbɔlɛ. Sidz laa bɛtha a hɛbtdi a dood lɔlgbar sɛw.

14Maat dood wɔ hi waak hɛbtdi hi gɛrs wɔ dag gbɔnɔ an gi woon a namhɛtum biitir bɔ gi muutdu. Namhɛtum eesim bɔ raa dood waal du sɛw

a hi wɔm hinza yɔ riitin an namhɛtum bɔ da ginnɛ daŋbɛsim nɔko gi wɛɛ gi za̧a̧ nɛko.

15Namhɛtum eesim bɔ dag tɛŋko an gi yaa holum za̧a̧tigya a namhɛtum biitir bɔ riitinsɔ hi wɔ̧m gedu an gi booya̧a̧ gi wɛɛ gi dag tɛŋk an gi raa hi gbɔm dood wɔ hi ta̧a̧g ɗɔbsig gɛ sɛw.

16Wɛɛ namhɛtum eesim bɔ fɛ̧ɛ̧ doodɛ, dood tɔs wɔ, dood gbɔlɛ, dood rɔɔsya hi ya̧a̧rya wɔ, dood wɔ hi taa gbaarɛ gɛ, hi gbaarɛ wɔ hi dag gbɛɛt a hi naanrɔbo, zaabe a hi ti̧i̧l du. 17Doo za gi taan gbɛɛtɔ gi muul gɛ, raakɔ a namhɛtum ha̧a̧l bɔ nuŋgɔ, zaabe nuŋgɔ hinɓɛrkya bɔ hi bi̧i̧, ɗɛ̄ɛ̄ an gi zeb hinza, zaabe gi zebr gɛ. 18Doo ginig hinmɛɛki an gi kɛm dɔgl yɛrɛ. Za̧a̧nyɔ gin zulɛ, ɗɛɛ an gi ɓɛr namhɛtum ha̧a̧l bɔ hinɓɛrkɔ bɔ. Hinɓɛrk bɔ gi a doo nuŋgo: gi tɛmɛrɛ nɔɔngbunu, daatɔ dumbili nɔɔngbunu daa nɔɔngbun be.

Currently Selected:

HINWƆ HI MITS YOHANA 13: NTD

Highlight

Copy

Compare