Baroma 9
9
Bashalugwa be Ndzimu
1Ndoleba malebeswa muna Kirisiti, anditonyepa. Hana yangu inonditendekela mu Meya yakayengemala, 2kuti ndina buyendasi bukulu ne kuhwa zogwadza mu moyo wangu kusingapele. 3Ngobe ndoyemula kuti imi nge kwangu ndingabe ndakalongwa bhiso athubukanyiwa na Kirisiti kuyitila makamu angu, ibabo be ludzi gwangu 4#Kufuluka 4:22ibo bathu be Iziraela. Tjabo bakashalugwa kube bana, i gudzo le Ndzimu ne zwidumano ne kupiwa nlayo ne kunamata ne kugadziwabgwe. 5Bobatategulu babo ludzi gwa Kirisiti panyama, Ndzimu iwo upezhugwi kwa bose, ngaukudziwe nge kusingapele! Ngakujalo.
6Akutodwa kuti dama le Ndzimu lakakong'wa, ngobe ate kuli kuti bose bana be Iziraela, Baiziraela. 7#Kutangisa 21:12Kakale akutodwa kuti bose bana ba Abhurahama, ngobe bali be ludzi gwa Abhurahama. Koga Ndzimu wakati kuna Abhurahama, “Bana babo banowodang'wa nge zina la Isaki.” 8Nge imwe zila kodwa kuti bana bakazwagwa ngekwe nyama ate ibo bana be Ndzimu, be kugadziwabgwe ndibo bana be Ndzimu bakwako; 9#Kutangisa 18:10ngobe kugadzabgwe kwakalebgwa sahwoku, “Nge tjibaka tjakabigwa ndowobuya ngono Sara unowowana nkololo.”
10Kusi ikoko koga, Rebheka wakati awana bana ne nlume nng'ompela, ibo tate bedu Isaki, 11#Kutangisa 25:23nenguba kwakati basathu bakazwagwa kakale basathu bakathama tjimwe tjakanaka kene tjakabipa, kuti ndizo kushalula kwe Ndzimu kudwilile, kusi nge mishingo, kuli nge kushalula kwawo, 12Rebheka wakadwiwa kukayi, “Hwola inowoshingila ntjetjana.” 13#Malaki 1:2, 3Sekwa kwakakwagwa, kuyi “Jakubo ndakan'da, koga Esau ndakambenga.”
14Towotini ngono? Apa tingati Ndzimu autosumikilisa nge ndingisanyo kene? Ndodwa! 15#Kufuluka 33:19Ngobe ukati kuna Mushe, “Ndowohwila ngoni iye wandinohwila ngoni, ngono ndowohwila zogwadza iye wandinoda kuhwila zogwadza.” 16Ndizo akutodwa mu kuda kene mu matatabuko e nthu koga kodwa mu ngoni dze Ndzimu. 17#Kufuluka 9:16Hwalo dze Ndzimu dzoti kuna Faro we Egipiti, “Ndakamusila ikoku, kuti ndilakidze simba langu mukuli kakale kuti zina langu lilebgwe mu shango yose.” 18Ndizo Ndzimu unohwila ngoni iye waunoda kuhwila ngoni, koga unokukutadza moyo iye waunoda kukukutadza.
Ndzimu unolasha kakale unohwila ngoni
19Mmwe wenyu ungati kundili, “Ngono ini Ndzimu utjatibona nlandu? Ndiani unganyanyayidzana ne kuda kwawo?” 20#Isaya 29:16; 45:9Koga uani iwe ungadabidzana ne Ndzimu? Apa tjakabumbiwa tjingati kuna wakatjibumba, “Ini wakandibumba uijali kene?” 21Apa mbumbi we hali aana simba mu ntapkhwi kubumba hali dze mishingo ipezhugwi ne dze mishingo ipasi nge ntapkhwi iwo zwawo kene?
22Kungayingwi ha Ndzimu wakabe ushaka kulakidza bushongola gwawo ne kuyita kuti simba lawo lizibgwe, koga ukabe ne moyonlefu kuna bawakagwadzilamoyo, ibo bakabe bakafanila kuloba, 23kuti ndizo ulakidze fumwa ye gudzo lawo kuna bawakahwila zogwadza ibo bawakagala washalulila gudzo, 24naswibo takadang'wa, kusi Bajuta koga, ne Bezwitjababo. 25#Hoseya 2:23Sekwa unoleba mu lukwalo gwa Hosea uti,
“Ibabo bakabe basi bathu bangu,
ndowobadana ‘Bathu bangu,’
na iye wandakabe ndisingade,
ndowon'dana ‘N'diwa wangu.’
26 #
Hoseya 1:10
Ne mu bugalo kwakayi ku bali,
‘Ate muli bathu bangu,’
banowodang'wa ‘Bakololo be Ndzimu unotjila.’ ” 27#Isaya 10:22, 23Isaya unomimila ngekwe Iziraela eti,
“Nenguba bunji gwe Baiziraela gunga nsetje we gungwa,
kowotjidziwa malimbelimbe koga.
28Ngobe She banowoshinga ngolibilidza
kakale ne buzhalo kusumikilisa kwabo mu shango.”
29 #
Isaya 1:9
Kakale se kwakalebegwa mbeli ndi Isaya eti,
“She bana masimba ha babe basakatisiyila bana,
tobe takanga Sodoma, tikathamiwa se Gomora.”
Ndebo mbuya yakalingisanabo ne Iziraela
30Towotini ngono? Towoti Bezwitjaba bakabe basingashake ndulamo, ngono bakayiwana iyo ndulamo nge kugalamoyo, 31koga Iziraela, iyo yakatemelela mu ndulamo inozha nge nlayo aizotubula kushingikadza nlayo. 32Nge kutini? Nge kuti abazobe beshaka nge kugalamoyo, koga bakabe beshaka ndulamo nge mishingo. Bakakuthiwa nge bgwe linokutha, 33#Isaya 28:16sekwa kwakakwagwa kuyi,
“Bonani, ndobiga mu Ziyoni
bgwe linowokutha bathu,
shongwe inowobaliga,
iye unogalamoyo munli
aatowobhatisiwa shoni.”
Currently Selected:
Baroma 9: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
