Baroma 10
10
1Zwikamu, kuyemula kwe moyo wangu ne ntembezelo wangu ku Ndzimu hwuti Baiziraela batjidziwe. 2Ndopa butendeki ngekwabo kuti banoshingayilila Ndzimu, koga kushingayila kwabo akuna luzibo. 3Nge kushaya luzibo ngekwe ndulamo inodwa mu Ndzimu, ne kushaka kuzwithamila kwabo, abazozwipa mu ndulamo ye Ndzimu. 4Ngobe Kirisiti ndiye bhelelo le nlayo, kuti mmwe ne mmwe unakugalamoyo alulwamisiwe.
Jidzo nge la bose
5 #
Zwipo 18:5
Mushe wakakwala eti, “Iye unolondolodza ndulamo inolebgwa nge nlayo unowotjila ndiyo.” 6#Matama 30:12-14Koga ndulamo yakatemelela mu kugalamoyo ikati, “Usitongo zwibhuzwa mu moyo uti ndiani, unowotathila kudzimu?” Kodwa kuti kudelusila Kirisiti pasi. 7Kene “Ndiani unowodelukila mu gomba?” Kodwa kumusa Kirisiti mu bafi. 8Koga dama le Ndzimu likatini kene? “Dama lipejo nawe, limu nlomo ne mu moyo uwo.” Ndilo dama le kugalamoyo, latinosumikila. 9Ngekuti ha uleba nge nlomo uwo uti Jesu ndi She uduma mu moyo uwo kuti Ndzimu wakammusa mu bafi, unowotjidziwa. 10Ngekuti nthu unoduma nge moyo uwe, ndizo kalulwamisiwa, kaleba nge nlomo uwe, katjidziwa. 11#Isaya 28:16Hwalo dzoti, “Akuna iye unogalamoyo munli unowobhatisiwa shoni.” 12Akuna kuthubukana pakati kwe Njuta ne N'giriki, ngobe She iyezwe ndiye She wa bose, ngono unokombolela bose banon'dana. 13#Jowele 2:32Ngekuti, “Mmwe ne mmwe unodana zina la She unowotjidziwa.”
14Koga bathu bangan'dana tjini iye wabasakagalamoyo? Ngono bangagalamoyo tjini muna wabasakahwa nge kukwe? Kakale banowohwa tjini kusina nsumikili. 15#Isaya 52:7Ngono bathu banowosumikila tjini basatumwa? Sekwa kwakakwagwa kuyi “Kwakanaka seni ha basumikili be zhisa ndebo mbuya!” 16#Isaya 53:1Koga ate bose bakaamutjila ndebo mbuya. Isaya wakati, “She, ndiani wakagalamoyo tjaakahwa naswi?” 17Ndizo wali, kugalamoyo kodwa muna tjawahwa, tjawahwa tjodwa mukusumikigwa kwa Kirisiti.
18 #
Njimbo 19:4
Koga ndobhuzwa nditi: Apa abazohwa kene? Tjose bakahwa!
“Mahwi e basumikili akazhala shango yose,
matama abo kaswika ku phelelo dze shango.” 19#Matama 32:21Ndobhuzwa kakale nditi: Apa bathu be Iziraela abazohwisisa kene? Mushe kutanga wakati,
“Ndowokuthama kuti uthamile fupa basi itjaba,
kuti ndizo mube ne fupa
nge itjaba tjisakatjenjela
ndowokugwadzisamoyo.” 20#Isaya 65:1Ngono Isaya unoleba akasima eti,
“Ndakawang'wa ndi ibabo bakabe basingandishake,
ndakazwilakidza kuna ibabo bakabe basingabhuzwe nge kwangu.” 21#Isaya 65:2Koga ngekwe Iziraela kati,
“Zhuba lose ndakatjinga nge maboko angu,
nditjingila bathu basingahwe kakale banonyanyayidza.”
Currently Selected:
Baroma 10: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
