Baroma 13

Muhwilile ibabo banobusa

1Mmwe ne mmwe ngaazwiyise pasi kwe babusi, ngobe akuna bushe guyapo agusi gunodwa ku Ndzimu, bushe guyapo gwakabigwa nge Ndzimu. 2Ndizo iye unopandukila bushe gopandukila tjakalaugwa nge Ndzimu, ngono ibabo banothama sa ikoko banowozwizhisila kusumikilisiwa. 3Ngobe balauli abatotjisa kuna banoshinga ndulamo, koga banotjisa kuna banothama tjisakalulwama. Apa unoshaka kuti usitje unobusa kene? Ndizo thama tjakalulwama unowodumana nawe, 4ngobe balauli balanda be Ndzimu, kuti ndizo mululwamigwe. Koga ha ushinga tjakabipa, ipapo untje, ngobe aazosengela bukanu suli. Nlanda we Ndzimu unoshingikadza shamu ye Ndzimu kuna unoshinga mbipo. 5Ndizo ngekwa ikoku nthu wakafanila kuzwiyisa pasi kwe balauli kusi kuyitila shamu ye Ndzimu koga, ne kuyitila hana.

6 # Matewu 22:21; Mako 12:17; Luke 20:25 Ndizo wali molipa lukhetho, ngobe babusi banoshingila Ndzimu abe shinga mishingo yabo nge buzhalo. 7Ndizo lipani bose bamunokolota, mulipe lukhetho kuna bakafanila gulipiwa, mulipe mari kuna bakafanila lipiwa, tetani bakafanila tetiwa mukudze bakafanila kudziwa.

Bhatanani

8Musibe ne wamuna nlandu naye, koga danani, ngobe iye unoda mmwe walondolodza nlayo. 9#Kufuluka 20:14; Matama 5:18; Kufuluka 20:13; Matama 5:17; Kufuluka 20:15; Matama 5:19; Kufuluka 20:17; Matama 5:21; Zwipo 19:18Milayo inoti, “Usithame bupombgwe, usibulaye, usikwibe, usitjibe.” Milayo iyeyi ne mimwe yose, yakapetegwa mu nlayo nng'ompela unoti, “Ida mmwe nthu sekwa unozwida.” 10Ludo agutothamila mbakidzani mbipo ndizo wali, kuda hwulondolodza nlayo wose.

11Kuzhe kwa ikoku moziba kuti tjibaka ndi tjipi, moziba kuti tjazha nge buzhalo kuti mumuke mu hwope dzenyu, ngobe jidzo lipejo naswi ngwenu kupinda patakatangisa kugalamoyo. 12Busiku gwapinda ntolo kwabe masikati. Ngatilashileni kutjena mishingo ye zhalima, ngono ngatiambaleni zwiambalo zwe ngwa zwe tjedza. 13Ngatizwibhateni zubuyanana se bathu banotjila mu masikati, kusina kusazwibhata kene kulaladza, kusina bupombgwe kene kusazwidziba, kusina ngwa kene fupa. 14Koga muzwiambadze She Jesu Kirisiti, ngono musikudze kugutsha mbumbiko dzenyu dze bubi.

Currently Selected:

Baroma 13: KBTP

Highlight

Compare

Copy