Zumbunulo 5
5
Lukwalo ne Pkhwizana
1 #
Ezekiele 2:9, 10; Isaya 29:11 Ndakabona mu luboko gwe luji gwa iye ugele mu tjigalo tje bushe, lukwalo gwakakwagwa mukati na kuzhe, gwakapetiwa gwakazhaligwa nge zwizhalilo zwili kutendeka. 2Abona ntumwa we kudzimu wakasima elebeleka nge hwi lipezhugwi eti, “Ndiani wakalizanila kuzhula lukwalo igogu?” 3Koga kwakabe kusina ne nng'ompela kudzimu kene mu shango kene kusi kwe shango wakabe etubula kuzhula lukwalo ne kulinga zwimukati. 4Ndakalila kwazo, ngobe kwakabe kusina wawang'wa akalizanila kuzhula lukwalo kene kubala zwimukati. 5#Kutangisa 49:9; Isaya 11:1, 10Ipapo mmwe we bakulu kabe eti kundili, “Usilile, bona, Shumba ye ludzi gwa Juda, we ludzi gwa Dafite, wakunda, kodwa kuti ungazhula zwizhalilo izwezwi zwili kutendeka kazhula lukwalo.”
6 #
Isaya 53:7;
Zakhariya 4:10
Ndakabona Pkhwizana yakabe ilingika seyakabe yatongobulawa ili mile pa tjigalo tje bushe ne zwibumbiwa zwinna zwinotjila, yakabe ina nyanga dzili kutendeka ne mesho ali kutendeka ali meya ye Ndzimu ili kutendeka yakabe yatumwa mu shango yose. 7Pkhwizana ikayenda ikanotola lukwalo mu luboko gwe luji gwe ugele mu tjigalo tje bushe. 8#Njimbo 141:2Yakati yatola lukwalo, zwitjili zwinna ne bakulu bakabe bali makumi mabili ana bathu banna, bakawila pasi mbeli kwe Pkhwizana, mmwe ne mmwe wakabe ana dende ne ndilo dze golide dzili zhele motsha zwili milile mitembezelo ye bayengemali. 9#Njimbo 33:3; 98:1; Isaya 42:10Bakamba lumbo butshwa, beti,
“Wakalizana kutola lukwalo
ne kuzhula zwizhalilo zwago,
ngoti wakabulawa ngono nge malopa awo wakadzutunulila Ndzimu bathu
kudwa mu ludzi gumwe ne gumwe
ne mu lulimi gumwe ne gumwe
ne mu bathu bamwe ne bamwe
ne mu tjaba dzose.
10 #
Kufuluka 19:6; Zumbunulo 1:6 Wakabathama itjaba tje bushe, bapirisiti banoshingila Ndzimu wedu,
ngono banowobusa mu shango.”
11 #
Daniyele 7:10
Ipapo alinga, ngono ahwa hwi le batumwa be kudzimu banjinji, bali zwiwulu wulu kupoteleka tjigalo tje bushe ne kupoteleka zwibumbiwa zwinotjila ne bakulu. 12Bakamba nge hwi lipezhugwi beti,
“Pkhwizana yakabe yabulawa yakalizana
kuamutjila bushe ne fumwa ne butjenjedu ne simba,
ne gudzo ne ndumbidzo ne kukombolegwa.”
13Ngono ndakahwa tjibumbiwa tjimwe ne tjimwe kudzimu ne mu shango na kusi kwe shango ne mu gungwa na zose zwimba zwiti,
“Kunli ugele pezhugwi kwe tjigalo tje bushe ne ku Pkhwizana
ngakube ne kukombolegwa ne gudzo
ne tjedza ne simba nge kusingapele kose.”
14Zwibumbiwa zwinotjila zwinna zwakashandula zwiti, “Ngakujalo.” Ngono bakulu bakawila pasi, bakanamata Ndzimu.
Kalanga Bible © Bible Society of Botswana, 2008, 2018.