Zumbunulo 6
6
Zwizhalilo zwili zwitathatu
1Ngono ndakabona Pkhwizana izhula tjizhalilo tje kutanga mu zwizhalilo zwili kutendeka, ngono ndakahwa tjimwe tje zwibumbiwa zwinotjila zwinna tjilebeleka nge hwi linonga nsindo we gole tjiti, “Izha!” 2#Zakhariya 1:8; 6:3, 6Ndakalinga, ngono abona mbizi tjena, ntathi wayo wakabe akabhata dati, ngono kapiwa tjiala tje bushe. Kayenda ali nkundi kunokunda.
3Pkhwizana ikati izhula tjizhalilo tje bubili, ngono ahwa tjibumbiwa tjinotjila tje bubili tjiti, “Izha!” 4#Zakhariya 1:8; 6:2Kukabhuda imwe mbizi kakale, ili shaba kwakabondelela. Ntathi wayo wakapiwa masimba kudusa mbakiso mu shango, kuti ndizo bathu babulayane. Ngono kapiwa thumo gulugulu.
5 #
Zakhariya 6:2, 6 Pkhwizana ikati izhula tjizhalilo tje butatu, ahwa tjibumbiwa tje butatu tjiti, “Izha!” Ndakalinga, ngono abona mbizi thema. Ntathi wayo wakabe akabhata ikale mu luboko gugwe. 6Ndakahwa nsindo unonga hwi udwa pakati kwe zwibumbiwa zwinna liti, “Lithara ye korong i ndipo ye zhuba, lithara dzili thatu dze bhali i ndipo ye zhuba. Koga musitjinye mafuta ne nkumbi.”
7Ikati izhula tjizhalilo tje bunna ahwa tjibumbiwa tje bunna tjiti, “Izha!” 8#Ezekiele 14:21Alinga, ngono abona mbizi ye mbala we dundubadzi. Ntathi wayo wakabe edang'wa kuyi Lufu, ngono bugalo gwe bafi gwakansala shule, ngono bapiwa simba pezhugwi kwe lubabi gwe bunna gwe shango, kubulaya nge thumo nenge bhamba nenge bugwele nenge kushingisa phuka dze shango.
9Pkhwizana ikati izhula tjizhalilo tje bushanu, abona kusi kwe tjibeso meya ye bathu bakabulayigwa dama le Ndzimu ne butendeki gwabakapa. 10Bakabe bedana nge hwi lipezhugwi beti, “She Masimbawose, wakayengemala, una malebeswa, kowotola lubaka gungapani, musathu mukasumikilisa bathu ba muno mu shango, ne kubgwilizila malopa edu abakatebula?” 11Mmwe ne mmwe wabo wakapiwa zwiambalo zwitjena. Ngono bakadwiwa kukayi banyaluluke kwe tjibaka tjilefana, kudzina balanda sa ibo ne zwikamu zwabo, zwibulawebo ngobe zwabe pejo ngobulawa, sa ibo bakabulawa, kuti mbalo iswike.
12 #
Zumbunulo 11:13; 16:18;
Isaya 13:10; Jowele 2:10, 31; 3:15; Matewu 24:29; Mako 13:24, 25; Luke 21:25 Ngono ikati izhula tjizhalilo tje butathatu, alinga abona kutengenyeka kwe shango kukulu, zhuba likashanduka likabe dema se jila dema le tjililo ne mwedzi ukashanduka ukanga malopa. 13#Isaya 34:4Nyenyedzi dzikawila pasi se phaya dzisakabidwa, dzishashamuka mu nti ha phepo ina masimba iwuzunguza. 14#Zumbunulo 16:20Zhuzhugwi kukanyelela se lukwalo gupetiwa, dombo limwe ne limwe ne tjigwizi tjimwe ne tjimwe tjikadusiwa mu magalo atjo. 15#Isaya 2:19, 21Ipapo bomambo be shango ino ne babusi ne balauli be babhayani ne bafumi ne bana masimba ne bathu bose, balanda ne bakasungunuka bakabgwata mu makuhwu ne kusi kwe shongwe mu matombo. 16#Hoseya 10:8; Luke 23:30Bakadana matombo ne shongwe nge hwi lipezhugwi beti, “Mutiwile, mutisumbikile buso gwa iye ugele mu tjigalo tje bushe ne bushongola gwe Pkhwizana! 17#Jowele 2:11; Malaki 3:2Zhuba gulu le bushongola gwabo latjizha, ngono ndiani ungalimilila?”
Kalanga Bible © Bible Society of Botswana, 2008, 2018.