Zumbunulo 4
4
Kunamata Ndzimu kudzimu
1Shule kwa ikoko alinga, ngono abona nkoba wakazhuka kudzimu! Ngono hwi lakabe lina nlidzo unonga we lunyanga gunolidziwa lakabe lalebeleka nami kutanga, likati, “Tathila ngeno, ngono ndowokulakidza tjakafanila shingikala shule kwa ikoku.” 2#Ezekiele 1:26-28; 10:1Tjinyolotjo Meya yakayengemala ikadelukila mundili, ngono abona, tjigalo tje bushe tjikudzimu, kuna mmwe ugele mu tjigalo itjetjo! 3Iwoyo wakabe ali gele ipapo wakabe epenya se mabgwe anoyi jasipa ne kaneliyeni#4:3 kaneliyeni: I bgwe linosheteka, kanjinji mbala walo nshaba., ngono kupoteleka tjigalo itjetjo kwakabe kuna nlalabungu una mbala we nkwakwa. 4Kupoteleka tjigalo tje bushe kwakabe kuna zwigalo zwili makumi mabili ana mido minna, muzwili kuli gele bakulu bali makumi mabili ana bathu bali banna, bakaambala butjena, mu misholo yabo bakaambala zwiala zwe golide. 5#Kufuluka 19:16; Zumbunulo 8:5; 11:19; 16:18; Ezekiele 1:13; Zumbunulo 1:4; Zakhariya 4:2Mu tjigalo tje bushe kwaka be kubhuda lupenyo gwe vula ne mahwi ne kudadamula. Kwakabe kuna mavone ali kutendeka mbeli kwe tjigalo tje bushe, mavone meya ye Ndzimu ili kutendeka. 6#Ezekiele 1:22#Ezekiele 1:5-10; 10:14Kakale mbeli kwe tjigalo tje bushe kwakabe kuna tjithu tjinolingikala se gungwa gwe halasi gwakatjenapala gunonga deemani.
Kupoteleka tjigalo tje bushe, mu midzibo yatjo minna kuna zwitjili zwinna, zwizhele mesho mbeli na shule. 7Itjili tje kutanga tjakabe tjinga shumba, tje bubili tjakabe tjinga ngabe, tje butatu tjina buso gunonga gwe nthu, tje bunna tjinga dzu lakawuluka. 8#Ezekiele 1:18; 10:12; Isaya 6:2, 3Zwitjili izwezwi zose nge bunna gwazo, tjimwe ne tjimwe tjazo tjina mapapilo matathatu, zwilizhele mesho pamwe ne pamwe na mukati na kuzhe kwe mapapilo. Siku ne sikati azwitomisa kumba zwiti,
“Wakayengemala, wakayengemala, wakayengemala,
iye She Ndzimu Masimbawose
wakabe uli yapo, uyapo kakale utjawozha.”
9Tjibaka tjimwe ne tjimwe zwitjili izwezwi zwakabe zwiti zwikudza zwilumbidza kakale zwiboka iye ugele mu tjigalo tje bushe, iye unotjila nge kusingapele kose, 10bakulu ibaba bali makumi mabili ana bathu banna, banowila pasi mbeli kwe ugele tjigalo tje bushe, ngono bennamata iye unotjila nge kusingapele kose. Beposela zwiala zwabo pa tjigalo tje bushe bemba beti,
11“She wedu kakale Ndzimu wedu,
makafanila amutjila gudzo ne ndumbidzo ne masimba,
ngobe makabumba zwithu zose,
nge kuda kwenyu zwakabe yapo zwikabumbika.”
Kalanga Bible © Bible Society of Botswana, 2008, 2018.