Njimbo 96
96
Ndzimu Mambo nkulu
(1 Zwiyitikalo 16:23-33)
1Mbilani Yahwe lumbo gutshwa,
mbilani Yahwe, shango yose.
2Mbilani Yahwe, kudzani zina labo,
lebani ngekwe jidzo labo zhuba ne zhuba.
3Lebani ngekwe gudzo la Yahwe mu zwitjaba,
mishingo yabo inotjenamisa mu bathu bose.
4Ngobe Yahwe bankulu kwazo,
kakale bakafanila kudziwa kwazo,
bakafanila tjiwa kupinda midzimu yose.
5Ngobe midzimu yose ye zwitjaba zwifano,
koga Yahwe bakathama kudzimu.
6Gudzo ne bushe zwimbeli kwabo,
masimba ne bubuya zwimu bugalo gwabo gwakayengemala.
7 #
Njimbo 29:1, 2 Ipani Yahwe, imwi misha ye zwitjaba,
ipani Yahwe gudzo ne masimba.
8Ipani Yahwe gudzo lakafanila zina labo,
zhisani tjipo, mungine mu misha yabo.
9Namatani Yahwe mu bubuya gwakayengemala,
tetemani mbeli kwabo shango yose.
10Idwani zwitjaba muti, “Yahwe banobusa!
Shango yakathamwa, aitofa yatshedugwa.
Banowosumikilisa bathu nge ndizandizanyo.”
11Kudzimu ngakushathe, shango ngayi kholise,
gungwa ngagubombe na kose kumuguli,
12Shango ngayi kudze na zose zwimuili.
Ndizo miti yose ye ishaka inowomba nge shatho,
13mbeli kwa Yahwe, ngobe baswika,
banozhila kuwosumikilisa shango.
Banowosumikilisa shango nge ndulamo,
ne bathu nge malebeswa abo.
Kalanga Bible © Bible Society of Botswana, 2008, 2018.