Njimbo 97
97
Ndzimu mbusi nkulu
1Yahwe banobusa! Shango ngayishathe,
zwigwizi zose zwe gungwa ngazwishathe!
2Makole ne zhalima lakati zwititi lakabapoteleka.
Ndulamo ne kutambunuka ndizo thiwa dze tjigalo tjabo tje bushe.
3Moto wakabatungamila,
unopisa banyanyayidzi babo mbizho dzose dze shango.
4Lupenyo gwabo govoneka shango yose,
shango inobona ikatetema.
5Matombo anonyawuka se phola mbeli kwa Yahwe,
mbeli kwa she we shango yose.
6Kudzimu koleba ngekwe ndulamo yabo,
ne zwitjaba zose zobona gudzo labo.
7Banamati bezwifano bose banobhatisiwa shoni,
ibabo banozwikudza ngekwe zwifano zwisina nshingo,
midzimu yose inokotamisa misholo mbeli kwabo.
8 Ziyoni inohwa ikashatha,
ne mizi ye Juda inoshatha,
ngekwe kusumikilisa kwenyu, imwi Yahwe.
9Ngobe imwi Yahwe, mu pezhugwi kwe shango yose,
mokudziwa kwazo kupinda midzimu yose.
10Yahwe banoda ibabo banobenga bubi,
banotjengeta matjilo e bayengemali babo,
banobagwila mu luboko gwe babi.
11Tjedza tjopenyela balulwami,
ne shatho kuna bakatambunuka mu moyo.
12Shathilani Yahwe imwi bakalulwama,
kakale muboke zina labo lakayengemala!
Kalanga Bible © Bible Society of Botswana, 2008, 2018.