Njimbo 95
95
Lumbo gwe kukudza
1Izhani, ngati mbileni Yahwe,
ngati pululudzileni shongwe ye jidzo ledu!
2Ngati zheni mbeli kwabo nge kutenda,
ngati longeni mpululu we shatho ne njimbo dzinoba kudza!
3Ngobe Yahwe Ndzimu nkulu kwazo,
kakale mambo mu midzimu yose.
4Shango yose imu luboko gwabo,
zwilungwani zwe matombo naizobo nde zwabo.
5Gungwa nde gwabo, ngobe bakaguthama,
nenge shango, yakabumbiwa nge maboko abo.
6Izhani, ngatikotamiseni misholo tinamate,
ngati thigameni mbeli kwa Yahwe, Mbumbi wedu!
7 #
Bahebheru 3:7-11
#
Bahebheru 3:15; 4:7 Ngobe Ndzimu wedu,
iswi ti bathu be mafulo awo,
kakale ti pkhwizi dzaunotjengeta!
Dzene tshene nasi mungateedza hwi lawo!
8 #
Kufuluka 17:1-7; Mbalo 20:2-13 Musitongo simisa mimoyo sa bobatategulu benyu ku Meriba,
se zhuba labakasimisa mimoyo ku Masa mu tjilambanyika.
9Kwakati pandakalikwa ndi bobatategulu benyu,
bebuya bandishakisisa, nenguba bakabebona nshingo wangu wandakathama.
10Ndakakuthiwa nge ludzi igogu kwe makole ali makumi manna,
abe ati, “Bathu be mimoyo yakalashika,
kakale abana hanya nge zila dzangu.”
11 #
Mbalo 14:20-23; Matama 1:34-36; Bahebheru 4:3, 5;
Matama 12:9, 10 Ndizo ndakati mu kugwadzamoyo kwangu atuna nditi,
“Abatowongina mu bugalo gwangu gwe kunyaluluka.”
Kalanga Bible © Bible Society of Botswana, 2008, 2018.