Njimbo 93
93
Ndzimu mambo
1Yahwe banobusa, bakaambala hazu ye bushe,
Yahwe bakaambala hazu, bakasunga thunji nge masimba.
Shango ayingatshedugwe,
2tjigalo tjenyu tje bushe tjakabepo kudwila ntolo,
makadwila nge kusingapele.
3Makungwa amilika, imwi Yahwe,
makungwa amilidza mahwi awo,
makungwa anobomba.
4Yahwe bankulu kupinda dadamula kwe vula hwulu.
Bankulu kupinda matuthu e vula ye gungwa,
Yahwe bana masimba makulu seni!
5Milayo yenyu aitoshanduka
buyengemali gofanila ng'umba yenyu
nge kusingapele, imwi Yahwe.
Kalanga Bible © Bible Society of Botswana, 2008, 2018.