Njimbo 83
83
Ntembezelo we kukundiwa kwe zwita zwe Iziraela
1Imwi Ndzimu, musinyalale koga,
musidzikame koga makati hwuu, imwi Ndzimu!
2Bonani sekwa zwita zwenyu zwamumukila,
ibabo bakamubenga bamilidza misholo yabo.
3Banolukila bathu benyu gwanga,
banolangana kuti bagwise ibabo bamunobakilila.
4Banoti, “Izhani, ngati balobeseni bose,
zina le Iziraela lisitongotjafa lakumbugwa ndodwa.”
5Banolangana bakadumana,
bethama tjidumano nge kwenyu,
6mishasha ye Edomu ne Baishimaela, Moabu ne Bahagiri,
7Gebhala na Amoni na Amaleke,
Filisitiya ne bagali be Tire,
8Asiriya na iye wazwibhatshanya nabo,
ndibo babhayani bakasima be bana ba Lote.
9 #
Basumikilisi 7:1-23;
Basumikilisi 4:6-22
Bathamileni tjamakathama ne Midiya,
ne Sisera ne Jabhini ku gwizi gwe Kishoni,
10bakakolomogwa ku Endo,
bakabe dokonobe linodigwa mu mavu.
11 #
Basumikilisi 7:25;
Basumikilisi 8:12
Thamilani banokudziwa tjamakathama
ne Orebhe ne Zeebhi,
hadzasha dzabo Zebha na Zalimuna,
12ibo bakati, “Ngatizwitolegweni shango ye Ndzimu ibe yedu.”
13Ndzimu wangu, mubathame bange
hwuluba ye tjampupudze,
bange bunye gunotogwa nge phepo.
14Se moto upisa ishaka,
kene se nthuto upisa matombo.
15Mubatutudze nge dutu lenyu,
mubuye mubatjise nge dutu gulu.
16Njiso dzabo mudziambadze nge shoni,
kuti ndizo bashake zina lenyu, imwi Yahwe.
17Ngababhatisiwe shoni
kakale bahwumanyiwe nge kusingapele,
ngabalobe bakalengudzika.
18Ngabazibe kuti mumoga,
imwi be zina linoyi Yahwe,
muli pezhugwi zhugwi kwe shango yose.
Kalanga Bible © Bible Society of Botswana, 2008, 2018.