Njimbo 82
82
Ndzimu nsumikilisi nkulu
1Ndzimu ugele mu bugalo gwawo mu gubungano,
unosumikilisa uli pakati kwe midzimu.
2“Apa kowodza kukabe lini musumikilisa nge kusakatambunuka,
mulakidza kumilila babi kene?
3Imani ne basina matatabuko ne siyang'wa,
tjengetani fanilo dze bashayi ne bakatshambilidziwa.
4Gwilani basina matatabuko ne basheti,
mubaangule mu maboko e babi.”
5Abana luzibo ndodwa kene ili hwisiso,
banoyendayenda mu zhalima,
thiwa dzose dze shango dzotengenyeka.
6 #
Johani 10:34
Ndakati, “Imwi mu midzimu,
bana be Upezhugwi zhugwi, imwi mose.
7Nenguba kwaka jalo, mowofa se bathu koga,
kakale mowowa se nkololo mmwe ne mmwe we bushe.”
8Milikani, imwi Ndzimu, musumikilise shango,
ngobe zwitjaba zose nde zwenyu!
Kalanga Bible © Bible Society of Botswana, 2008, 2018.