Njimbo 81
81
Lumbo gwe nzano
1Mbilani pezhugwi, mumbile Ndzimu iwo simba ledu;
pululudzilani Ndzimu wa Jakubo!
2Shobani lumbo, mulidze tjilidzo tje thamborini,
lidzani tjilidzo tje laya ne dende kunozipa.
3 #
Mbalo 10:10
Lidzani lunyanga mwedzi ugala,
ne uyedzegwa, mu zhuba ledu le nzano.
4Ngekuti i ndayo mu Iziraela,
ndayo ye Ndzimu wa Jakubo.
5Yawakalaya Josefa,
paakabhuda mu shango ye Egipiti.
Ndohwa hwi landisakatongoziba.
6“Ndakamutula ntolo mu mathudzi,
amutula itundu mu misholo.
7 #
Kufuluka 17:7; Mbalo 20:13 Wakati uli mu kuhwazogwadza kukulu akudana,
ngono ndakakuangula,
ndakakudabila ndili mu kudidima kwe makole
ndakakulika ku vula dze Meriba.
8Ihwani, imwi bathu bangu, ha ndimutjenjedza!
Iwe Iziraela, ha wabe unganditeedza!
9 #
Kufuluka 20:2, 3; Matama 5:6, 7 Kusitongowanika ndzimu usingazibgwe mu muli,
musitongonamata ndzimu upoga.
10Ndimi Yahwe Ndzimu wenyu,
wakamudusa mu shango ye Egipiti.
Ashama, ngono ndowokupashika.
11“Koga bathu bangu abazoteedza hwi langu,
Iziraela azotongobe ne tjimwe nami.
12Ndizo ndakabaletjedza nge moyo yabo mikukutu,
kuti batobele njalakang'wa dzabo.
13Ha bathu bangu, babe banganditeedza,
ha Iziraela abe angatobela zila dzangu,
14ndabe ndowotebamisa zwita zwabo tjinyolotjo,
ndibe ndishandulila luboko gwangu ku banyanyayidzi babo!
15Ibabo banobenga Yahwe banowoshushubala bakabalinga,
ngono bakalobgwa shamu nge kusingapele.
16Koga ndowomujisa korong mbuyanana kwazo,
ndabe ndowomugutsha nge butji gwe nyutji, gunodwa mu shongwe.”
Kalanga Bible © Bible Society of Botswana, 2008, 2018.