Njimbo 8
8
Bukulu gwe Ndzimu ne mamo e nthu
1Yahwe, She wedu,
zina lenyu lakanaka seni mu shango yose!
Makabiga gudzo lenyu pezhugwi
kwe mazhuzhugwi!
2 #
Matewu 21:16
Nge milomo ye zwitole ne ngawana,
makathama kuti mukudziwe.
Makazwivikilila mu zwita zwenyu.
Mozhalila nlomo we tjita newe mbgwilizili.
3Ha ndilinga mazhuzhugwi enyu,
amakathama nge maboko enyu,
mwedzi ne nyenyedzi
dzamakagadza nge magalo adzo;
4 #
Jobe 7:17, 18; Njimbo 144:3; Bahebheru 2:6-8 nthu ini kene wamungashwa mukumbula,
mwana we nthu ini kene
wamungashwa makatjengeta?
5Makanthama kabe pasi
kwe batumwa be kudzimu kuli kutukununu,
makammbadza gudzo ne dendo.
6 #
1 Bakorinta 15:27; Baefeso 1:22; Bahebheru 2:8 Makampa ndaulo mu tjimwe ne tjimwe
tjamakabumba nge maboko enyu,
mukabiga tjimwe ne tjimwe pasi kukwe:
7kose pkhwizi ne ng'ombe
nenge phuka dze shango,
8nyuni dzinowuluka ne hwobe dze gungwa,
ne zwitjili zose zwinobhukutja mu gungwa.
9Yahwe She wedu zina lenyu
ligulu seni mu shango yose!
Kalanga Bible © Bible Society of Botswana, 2008, 2018.