Njimbo 76
76
Ndzimu nkundi
1Ndzimu unozibgwa mu Juda,
zina lawo ligulu mu Iziraela.
2Nshasha wawo umu Salemu,
bugalo gwawo gumu Ziyoni.
3Ndipo pawakavunila misebe yakateswa,
ne tjivikili ne makanu, zwibhayano zwe ngwa.
4Mopenyelela makashongoloka,
kupinda matombo, bugalo ndigele.
5Bana tjilopa bakatapigwa kose kwabo,
bakayizela bakafa,
akuna ne nng'ompela we bakasima
wakatubula kumilidza luboko gugwe.
6Pamakatjemela, imwi Ndzimu wa Jakubo, koloyi dze ngwa ne mbizi
dze ngwa zwakatogwa zwakaizela se zwakafa.
7Imwi moga ndimwi makafanilo tjiwa!
Apa ndiani ungama mbeli kwenyu,
ha magwadza moyo kene?
8Makapedza ndebo muli kudzimu,
shango ikatja, ikanyalala koga,
9ha Ndzimu umilika usumikilisa,
kutjidza bose be shango bakatshambilidziwa.
10Bushongola gwenyu mu nthu gozhisa kukudziwa kwenyu,
ngono bakatjila mu bushongola gwenyu bakatubula.
11Tunani ndi Yahwe Ndzimu wenyu,
ngono mushingikadze zwamatuna,
bose bakabapoteleka, ngabazhise zwipo
ku bali bakafanila tjiwa,
12ibo banothubula meya ye hadzasha,
ibo banolonga lutjo muna bomambo be shango.
Kalanga Bible © Bible Society of Botswana, 2008, 2018.