Njimbo 64
64
Ntembezelo we kuvikiligwa mu zwita
1Ihwani hwi langu, imwi Ndzimu, mu kung'ong'ola kwangu;
tjengetani butjilo gwangu mu tjita tjinotjisa.
2Mundisumbike pa kulangana kwe babi,
ne mu goko le babi,
3ibo banokuswa ndimi dzabo se mathumo
banoleba matama anobhaya se misebe,
4beposa balilelile bathu basina nlandu;
banolibilidza beposa kakale basingatje.
5Banonamatila mazwimisilo abo mabiibi;
banolebeleka ngekwe kuteya matati abo pakasumbikika,
bealakana beti, “Ndiani ungatibona?
6Ndiani ungashakisisa kabona bugebeng'a gwedu?
Tabumba nkumbulo we kulalila nge butjenjedu.”
Moyo we nthu ne njalakang'wa dzidze zwimukatikati.
7Koga Ndzimu unowobaposa nge nsebe wawo;
banowokubadziwa tjinyolotjo.
8Nge zila ye ndimi dzabo, Ndzimu unowobalobesa;
bose banowobabona banowotetema ngotja.
9Ndizo mmwe ne mmwe unowotja
banowoleba tjakazhisiwa nge Ndzimu,
bakakanuka tjawakathama.
10Balulwami ngabashathe muna Yahwe
kakale batizhile muwuli.
Bose bakatambunuka mu moyo ngabakudziwe.
Kalanga Bible © Bible Society of Botswana, 2008, 2018.