Njimbo 62
62
Kugalabgwe mu Ndzimu
1Meya yangu yakalindila Ndzimu koga nge kunyalala;
jidzo langu lodwa muwuli.
2Ndzimu woga ndiwo bgwe langu kakale jidzo langu,
ndiwo luswingo gwakandibakilila;
anditowotongo zunguzika.
3Apa mowotatana ne nthu wamunukunda kuswikila lini kene?
Kuti mutshindike guma lakaleleka,
guma linozunguzika kene?
4Kulangana kwabo hwupinganyidza nthu unobhudilila.
Banoshathisiwa nge manyepkhwa.
Banokombolela nge milomo yabo,
koga mukati kwabo banolonga bhiso.
5Meya yangu yakalindila Ndzimu koga nge kunyalala,
ngobe kugalabgwe kwangu kumu Ndzimu.
6Ndzimu woga ndiwo jidzo langu,
ndiwo luswingo gwakandibakilila; andingazunguziwe.
7Tjidziwa kwangu ne kudziwa kwangu kumu Ndzimu.
Ndzimu i dombo ne dizhilo langu.
8Galanibgwe muwuli misi yose imwi bathu;
dusilani Ndzimu mazwihwo
anodwa mukatikati kwe mimoyo yenyu;
Ndzimu i dizhilo ledu.
9Ibabo bapasi banonga mafemo e nthu,
ibabo bakamilidzika banonga mawoloto asina nshingo;
ha bebigwa mu ikale banobe balelulelu;
balelulelu kupinda phepo.
10Usigalebgwe mu kutolela,
kakale usigalebgwe mu kukwiba;
ha fumwa ipaphidzika, usibige moyo uwo muili.
11Ndzimu wakalebeleka ka nng'ompela;
imi ha hwa ikoku kabili:
kuti simba ngele Ndzimu,
12 #
Jobe 34:11; Jeremiya 17:10; Matewu 16:27; Baroma 2:6; Zumbunulo 2:23 nenge ludo gusingazunguzike
nge gwenyu, imwi She.
Molipa mmwe ne mmwe kuyendidzana ne mishingo iye.
Kalanga Bible © Bible Society of Botswana, 2008, 2018.