Njimbo 61
61
Ntembezelo we mbakililo
1Ihwani tjililo tjangu Ndzimu,
hwililani ntembezelo wangu.
2Ndomudana ndili ku phelelo dze shango,
ngoti moyo wangu usitjina matatabuko.
Munditungamile mu ndiyise ku dombo,
ilo lakakulila pezhugwi kundipinda.
3Ngobe ndimwi dizhilo langu,
ndimwi mbako yakakulila pezhugwi kundivikila mu zwita.
4Mundigadze mu nshasha wenyu nge kusingapele,
mundiwanile dizhilo kusi kwe mapapilo enyu.
5Ngobe imwi, Ndzimu, makahwa tuna kwangu,
makandipa lukata gunopiwa ibabo banotja zina lenyu.
6Paphidzani butjilo gwa mambo
dzene makole awe angaswika mu zwizekugwana zose.
7Dzene angagala mu tjigalo tje bushe nge kusingapele
thamani kuti ludo gusingazunguzike
nenge bugalimoyo zwi nlise!
8Ndizo ndowomba ndikudza zina lenyu misi yose,
ntome ndishingikadza kugadzabgwe kwandakagadzabgwe,
zhuba ne zhuba!
Kalanga Bible © Bible Society of Botswana, 2008, 2018.