Njimbo 6
6
Ntembezelo mu nsi we kumanikana
1 #
Njimbo 38:1
Yahwe, musinditjemele makagwadzamoyo,
kene kundiloba muli zhele bushongola.
2Mundihwile ngoni Yahwe,
ndapelegwa nge matatabuko;
Yahwe mundipodze,
ngobe mafupa angu anotetema ngotja.
3Meya yangu inodziyidzika.
Koga imwi Yahwe, kowobelini?
4Shandukani Yahwe, munditjidze,
mundisunungule ngekwe
ludo gwenyu gusingazunguzike.
5Ngobe akuna ungaalakana nge kwenyu afa,
mu bugalo gwe bafi ndiani ungamukudza kene?
6Ndanyadziwa nge kulila kwangu;
busiku gumwe ne gumwe,
ndonyolodza bulalo gwangu nge mishodzi;
Ndozhadza nsazamilo wangu nge mishodzi.
7Mesho angu aatjabona
nge zila ye kuhwazogwadza;
anopelegwa nge simba,
ngekwe zwita zwangu zose.
8 #
Matewu 7:23; Luke 13:27 Idwani pandili, imwi bashingi be mbipo,
ngobe Yahwe bahwa tjililo tjangu.
9Yahwe bahwa tjililo tjangu.
Yahwe banoamutjila mitembezelo yangu.
10Zwita zwangu zose
zowobhakhwa nge shoni zwikadziyidzika.
Banowoshanduka bakabhakhwa nge shoni.
Kalanga Bible © Bible Society of Botswana, 2008, 2018.