Njimbo 5
5
Ntembezelo we mbakililo
1Bhulutanani mahwi angu Yahwe,
muhweni tjililo tjangu.
2Hwililani tjililo tjangu, mambo wangu,
kakale muli Ndzimu wangu,
ngobe ndolingisa mitembezelo yangu kumuli.
3Yahwe, mangwanana mohwa hwi langu,
mu mangwanana ndoyisa mitembezelo#5:3 mitembezelo: Kana tjibhayilo tjangu.
yangu ku muli, ngono ndibe ndilindila.
4Amute muli Ndzimu unoda mbipo;
bubi agungagale namwi.
5Banozwikudza habangame pa mesho enyu.
Mobenga babi bose.
6Molobesa ibabo banonyepa
Yahwe banoshima bathu
banotebula lopa ne banotjebela.
7Koga imi nge ludo gwenyu bukulu,
ndowongina mu ng'umba yenyu,
ndowonamata ndimuteta
ndakalinga ku ng'umba yenyu,
8Yahwe, munditungamile mu ndulamo yenyu,
ngekwe zwita zwangu.
Tambunudzani zila yenyu mbeli kwangu.
9 #
Baroma 3:13
Ngobe akuna lebeswa
linodwa mu milomo yabo,
mimoyo yabo igolomodzo.
Hwulo dzabo zwikumbu zwakaashama,
banotjebela nge ndimi dzabo.
10Thamani kuti basengane
ne matjinyo abo Ndzimu.
Ngabaligwe nge milangano yabo,
mubatatile kutjena ngekwe matjinyo
abo manji, ngoti bakamupandukila.
11Koga bose banotizhila ku muli
ngababe ne kushatha,
ngabambe misi yose nge kushatha.
Mutalabudze mbakililo yenyu mubali,
kuti ndizo ibabo banoda
zina lenyu bakudziwe mu muli.
12Ngoti mokombolela balulwami Yahwe;
mobavikila se tjivikili.
Kalanga Bible © Bible Society of Botswana, 2008, 2018.