Njimbo 58
58
Ntembezelo we kubgwilizila babiibi
1Apa imwi balauli motongoleba tje malebeswa kene?
Apa motongosumikilisa bathu kwakatambunuka kene?
2Aa, moalakana zwisakalulwama mu mimoyo yenyu;
moshingisa maboko enyu kugwa mu shango.
3Babi banopanduka batjazwagwa;
banotjinya kudwa mukuzwagwa kwabo,
beleba manyepkhwa.
4Bana bushungu gunonga gwe nyoka
se thumbi isingahwe inozwizwina zebe,
5kuti ndizo isihwe hwi le bazanisi be nyoka
na ibabo banolidzila nyoka nyele bedzizanisa kene bedzitshumwayidza,
6Ndzimu, vunani meno abo;
simulani meno e shumbana idzedzi, Yahwe!
7Ngabanyelele, se vula yawunga;
ngabatshambiwe se bushwa bawomelele.
8Ngabange mannyongovi tjinonyelela mu dope;
bange mwana washayiwa, usabona ilo zhuba.
9Tjinyolotjo hali dzenyu dzisathu dzikahwa moto we mihwa,
minyolo kene inothuta, dzene Ndzimu ungabatshwayila ukabalasha!
10Balulwami banowoshatha abebona mbuzuludzo ithamwa;
banowongula makumbo abo mu malopa e babi.
11Bathu banowoti,
“Nge malebeswa balulwami banowana mbayilo.
Nge malebeswa Ndzimu unosumikilisa mu shango.”
Kalanga Bible © Bible Society of Botswana, 2008, 2018.