Njimbo 4
4
Ntembezelo we madekwana
1Mundidabile, andimudana
Ndzimu we ndulamo yangu.
Makandinyaladza mu kudziyidzika
kwangu mundihwile ngoni,
mu amutjile ntembezelo wangu.
2Imwi bathu, kowodzina kukabe lini,
tetiwa kwangu kulengudziwa kene?
Mowoda matama asina nshingo kuswikila lini,
kakale mutatana ne manyepkhwa?
3Koga zibani kuti Yahwe
bakazwishalulila balulwami;
Yahwe banowohwa andibadana.
4 #
Baefeso 4:26
Gwadzanimoyo, koga musithame tjibi;
muti mulilele mukumbule,
tje mu mimoyo yenyu koga munyalale.
5Dusani zwibhayilo zwakalulwama,
mugalebgwe muna Yahwe.
6Kuna banjinji banoti,
“Ndiani ungatilakidza tjimwe tjakanaka kene?
Yahwe tjedza tje buso gwenyu ngatjitipenyele!”
7Makandipa kushatha kukulu mu moyo wangu
kunopinda kwabanako ha mathunde
abo ne mikumbi yabo zwilizhele.
8Ndowolala pasi ayizela nge kunyalala;
ngobe imwi moga Yahwe,
ndimwi makanditjengeta!
Kalanga Bible © Bible Society of Botswana, 2008, 2018.