Njimbo 48
48
Nzi nkulu we Ndzimu
1Yahwe bankulukulu kakale bakafanila kudziwa kukulukulu
mu nzi nkulu we Ndzimu wedu.
Dombo labo lakayengemala,
2 #
Matewu 5:35
lakanaka nge bulefu gwalo,
ndilo shatho ye shango yose,
Dombo le Ziyoni, kulekule ku bunandzwa,
iwo nzi nkulu wa mambo.
3Mu matizhilo e nzi nkulu
Ndzimu wakazwilakidza uli iwo bhakasa lakasima,
4Ndizo bomambo bakakubungana,
bakashangana bose.
5Bakati tjinyolotjo bebona ikoku bakatjenama kukulu;
bakalobgwa nge hana, bakatola makumbo bakatizha
6Ipapo kutetema kukabe mubali,
bakabe nge zwibhayo zwinonga zwe nkadzi unotshibama,
7Se phepo inodwa ku bhezhuba
ipkhwanya zwikepe zwe Tashishi.
8Sekwa takati tikahwa, ngwenu tatjizwibonegwa
mu nzi nkulu wa Yahwe we mibunga, muna
iwo wakabambiwa nge Ndzimu nge kusingapele kose.
Wakabambiwa nge Ndzimu ukagalila tjose nge kusingapele kose.
9Tokanuka ludo gwenyu gusingazunguzike Ndzimu,
pakati pe ng'umba yenyu.
10Zina lenyu, koga sekudziwa kwenyu,
nailo loswika ku phelelo dze shango.
Luboko gwenyu gwe luji gokunda kwazo.
11Dombo le Ziyoni ngalishathe,
mizi ye Juda ngayishathe
nge zila yekusumikilisa kwenyu.
12Yenda mu nzi we Ziyoni, uwupoteleke,
bala thungamakole dzawo.
13Alakana kwazo makuma akabakilila
nzi nkulu iwoyo ne matizhilo awo
kuti ndizo ubudze tjizekugwana tjinowozha.
14Kuti iwoyu Ndzimu,
Ndzimu wedu nge kusingapele kose,
unowobe ntungamili wedu nge kusingapele kose!
Kalanga Bible © Bible Society of Botswana, 2008, 2018.