Njimbo 47
47
Ndaulo ye Ndzimu mu zwitjaba
1Lobani phande, imwi bathu mose;
Mimililani Ndzimu mumbile pezhugwi njimbo dze shatho.
2Ngobe Yahwe, ibo ba pezhugwizhugwi banotjisa,
ndi mambo nkulu we shango yose.
3Bakathama kuti bathu babe pasi kwedu,
ne zwitjaba bakazwiyisa kusi kwe makumbo edu.
4Ndizo bakatishalila lukata,
ndiko shatha kwa Jakubo iye wabanoda.
5Ndzimu wayenda pezhugwi nge mpululu,
ibo Yahwe bayenda nge nlidzo we lunyanga;
6Mbilani Ndzimu njimbo dze gudzo, imbani njimbo dze gudzo!
Mbilani mambo njimbo dze gudzo, imbani njimbo dze gudzo!
7Ndzimu ndiwo mambo we shango yose,
mu nkudze nge njimbo.
8Ndzimu unobusa zwitjaba;
Ndzimu ugele mu tjigalo tjawo tjakayengemala tje bushe.
9Bakololo be bushe banokubungana bali bathu
be Ndzimu wa Abhurahama.
Zwivikili zwe shango ngezwe Ndzimu;
bakamilidzigwa pezhugwi tjoselele.
Kalanga Bible © Bible Society of Botswana, 2008, 2018.