Njimbo 43
43
Ntembezelo we ntapiwa
(Kodwilidza Lumbo 42)
1Lakidzani kusabe ne nlandu kwangu, Ndzimu,
mundigwile mu bathu basingazibe Ndzimu,
mundigwile mu batjengedzi basina ndulamo.
2Ngoti mu Ndzimu wandinotizhila mu uli,
ini makandilasha?
Ini ndiyendayenda nge kuhwazogwadza
ndakatshambilidziwa nge tjita?
3Tumani tjedza ne malebeswa enyu,
ngazwinditungamile
ngazwindiyise ku dombo lenyu lakayengemala
ne kubugalo gwenyu.
4Ipapo ndowoyenda ku tjibeso tjinopisigwa zwibhayilo tje Ndzimu,
ku Ndzimu iwo kushatha kwangu,
ngono ndowomukudza nge dende,
Ndzimu, Ndzimu wangu.
5Ini uli mu buyendasi meya yangu,
ini wakanyalala mukati kwangu?
Galabgwe mu Ndzimu,
ngoti nditjawowukudza kakale,
bhatsho yangu Ndzimu wangu.
Kalanga Bible © Bible Society of Botswana, 2008, 2018.