Njimbo 3
3
Biga mu Ndzimu mu nsi we mbatsha
1Yahwe, zwita zwangu zwinjinji seni!
Banji banondimukila;
2Banji banoleba nge kwangu beti,
“Akuna bhatsho yaangawana mu Ndzimu.”
3Koga imwi, Yahwe,
mu tjivikili tjakandipoteleka,
ndimwi gudzo langu, nsimisi wangu.
4Ndomilidza hwi ndidana Yahwe,
ngono banondidabila
bali mu dombo labo lakayengemala.
5Ndolala ayizela wope,
amuka kakale ngobe
Yahwe banondibhatsha.
6Anditotja bathu
bali zwiwulu zwili gumi (10 000)
bakandipoteleka bendigwisa.
7Milikani Yahwe!
Mundigwile Ndzimu wangu!
Mupkhwaule zwita zwangu zose,
mu lushaya muvune meno e babi.
8Jidzo nge la Yahwe;
Makombolelo enyu
ngaabe mu bathu benyu!
Kalanga Bible © Bible Society of Botswana, 2008, 2018.