Njimbo 34
34
Kudza Yahwe
1Ndowokudza Yahwe misi yose;
kubakudza kowodwilila kuli mu nlomo wangu.
2Meya yangu inozwikudza muna Yahwe,
banodziyidzika ngabahwe bashathe.
3Kudzani Yahwe nami,
ngatikudzeni zina labo tose.
4Ndakashaka Yahwe, bakandidabila,
ngono bakandisunungula mu kutja kwangu kose
5Lingani ku bali mupenye,
ndizo musibhakhwe nge shoni.
6Iwoyu nthu usina bhatsho wakadana,
ngono Yahwe bakanhwa,
bakan'dusa muna zose zwinondziyidza.
7Ntumwa wa Yahwe unobakilila ibabo banobatja,
ngono ukabaangula.
8 #
1 Pita 2:3
Labilani mubone kuti Yahwe bakalulwama!
Kwakashatha ibabo banotizhila mubali.
9Kudzani Yahwe imwi bayengemali babo,
ngoti ibabo banobakudza abana tjabanosheta.
10Shumbana dzoti dzikasheta
ngono dzikabhakhwa nge zhala.
Koga ibabo banoshaka Yahwe
abana tjimwe tjakalulwama tjabanosheta.
11Izhani bakololo munditeedze,
ndowomudiya kutja Yahwe.
12 #
1 Pita 3:10-12
Ndiwupi nthu unoda butjilo,
eyemula kutjila mazhuba manjinji,
kuti aje zwinozipa?
13Tjengeta lulimi gugo mu kuleba zwakabipa,
ne milomo iyo mu kuleba manyepkhwa.
14Bhuda mu bubi, uthame ndulamo,
shaka kunyalala ukusale shule.
15Yahwe banotjengeta balulwami,
ne zebe dzoteedza tjililo tjabo.
16Buso gwa Yahwe gwakasunganila bashingi be bubi,
kudusa njalakang'wa nge kwabo mu shango.
17Ha balulwami belila beshaka bhatsho,
Yahwe banobahwa bakabasunungula
muna zose zwinobadziyidza.
18Yahwe bapejo ne bakanyalamoyo,
banotjidza ibabo bakapelegwa nge kugalamoyo.
19Kudziyidzika kwe nlulwami kunjinji,
koga Yahwe banonsunungula mu kuli kose.
20 #
Johani 19:36
Banotjengeta mafupa awe wose,
akuna ne ling'ompela lingavunika.
21Bubi gowobulaya babi,
na ibabo banobenga balulwami banowolashiwa.
22Yahwe banodzutunula butjilo gwe balanda babo;
akuna waibabo banotizhila mubali unowolashiwa.
Kalanga Bible © Bible Society of Botswana, 2008, 2018.