Njimbo 2
2
Mambo wakashalugwa nge Ndzimu
1 #
Mishingo 4:25, 26 Ini zwitjaba zwilangana,
ne bathu banolukilani tjishwe suli?
2Bomambo be shango bakazwimisa zubuyanana,
ne babusi banokumbuludzana,
kumukila Yahwe ne Nzhodziwa wabo beti,
3“Ngatithubuleni mitjili yabo,
tiduse misungo yabo mu tili.”
4Iye ugele mu tjigalo tje bushe
kudzimu unoseka;
Yahwe banobaseka maanya.
5Ndizo banowolebeleka nabo
mu bushongola gwabo,
bakabatjisa mu kugwadzamoyo kwabo,
6beti, “Ndakabiga mambo wangu
pezhugwi kwe Ziyoni,
dombo langu lakayengemala.”
7 #
Mishingo 13:33; Bahebheru 1:5; 5:5 Ndowoleba patjena tjakalebgwa ndi Yahwe,
bakati kundili, “Unkololo wangu,
nasi ndabe tate babo.
8Undikumbile, ndowokupa
zwitjaba zose zwikabe thaka iyo,
ne mbizho dze shango
dzowobe dzidzo.
9 #
Zumbunulo 2:26, 27; 12:5; 19:15 Unowobapkhwanya nge swimbo ye tshipi,
ukabapkhwanya se zwiyenga zwe jegwa.”
10Ndizo ngwenu, imwi bomambo, tjenjelani;
Ndomuluma zebe, imwi balauli be shango.
11Shingilani Yahwe nge kutja,
nge kuzwiyisa pasi.
12Iwani nge zwidwi mu namate Nkololo,
asidwe egwadzamoyo,
mube mulobesiwa mu zila dzenyu.
Bakashatha bose banotizhila mu nli.
Kalanga Bible © Bible Society of Botswana, 2008, 2018.