Njimbo 29
29
Hwi la Yahwe mu dutu
1 #
Njimbo 96:7-9
Ipani Yahwe imwi batjili be kudzimu,
ipani Yahwe gudzo ne masimba.
2Ipani Yahwe gudzo le zina labo,
namatani Yahwe mu bubuya gwe kuyengemala.
3Hwi la Yahwe lipezhugwi kwe vula.
Ndzimu we gudzo unodadamula se vula,
ibo Yahwe bapezhugwi kwe vula njinji.
4Hwi la Yahwe lina masimba,
hwi la Yahwe lokulila kose.
5Hwi la Yahwe lovuna miti mikulu ye misida,
Yahwe banovuna miti ye misida ye Lebanoni.
6Banothama matombo e Lebanoni katjuluka se phulu,
ne Dombo le Hemoni likatjuluka se nkong'wana unopenga.
7Hwi la Yahwe lobhuda nthuto we moto.
8Hwi la Yahwe lozunguza tjilambanyika,
Yahwe banozunguza tjilambanyika tje Kadeshi.
9Hwi la Yahwe loporodzisa tshepe#29:9 loporodzisa tshepe: Kene “lozungudza miti ye mioko.”
lothukudza ishakana kukasala kuli lubala,
mu ng'umba yabo bose banoti, “Tjedza!”
10Yahwe bagele mu tjigalo
tje bushe pezhugwi kwe nkubila.
Yahwe bagele mu tjigalo
tje bushe bali mambo nge kusingapele.
11Dzene Yahwe bangapa bathu babo masimba!
Dzene Yahwe bangakombolela bathu babo nge kunyalala!
Kalanga Bible © Bible Society of Botswana, 2008, 2018.