Njimbo 15
15
Tjinoshakwa nge Ndzimu
1Yahwe, ndiyani unowogala
mu nshasha wenyu kene?
Ndiyani ungagala
mu dombo lenyu lakayengemala?
2Iye unoyenda mu zila yakalulwama,
eshinga tjakalulwama,
eleba malebeswa kudwa mu moyo uwe,
3asingalebe shaya nge lulimi gugwe,
kakale asingathamile nzwalani
uwe tjimwe tjakabipa,
asingalengudze mbakidzani naye,
4unoshima babi,
koga ekudza ibabo banotja Yahwe.
Usingashandukile kutuna kukwe
nenguba kungazhisa zogwadza,
5usingati a adzima mmwe mari,
kati a abuze ana mmwiso,
asingatengwe kupa butendeki gusi igo
ngekwe nthu usina nlandu.
Iye unothama zwithu izwezwi
akuna tjingantshedula.
Kalanga Bible © Bible Society of Botswana, 2008, 2018.