Njimbo 14
14
Mbipo ye nthu
(Lumbo 53)
1 #
Baroma 3:10-12
Tjilengwe tjoti mu moyo watjo,
“Akuna Ndzimu.”
Bose bakabola mikumbulo,
Banothama zwithu zwinoshimisa.
Akuna ne nng'opela unothama tjakalulwama.
2Yahwe banolinga pasi ku bathu bali kudzimu,
kubona kuti kene kuna bamwe
banohwisisa, banoshaka Ndzimu.
3Bose bakapambuka,
banofanana koga bose ngobola mikumbulo.
Akuna wabo unothama tjakalulwama,
ndodwa ne nng'ompela dumbu.
4Apa abana zibo kene, bose bashingi be bubi,
ibo banoja bathu bangu sebanoja tjiwunga,
kakale basinganamate Yahwe kene?
5Ipapo banowozhigwa nge kutja kukulu,
ngoti Ndzimu una tjizekugwana tjakalulwama.
6Imwi babi mopinganyidza ndongoloso ye nshayi,
koga Yahwe ndibo dizhilo labo.
7Dzene jidzo le Iziraela lingazha lidwa mu Ziyoni!
Kowoti Yahwe bebuza bathu babo kutapiwa,
Jakubo unowopululudza, Iziraela unowoshatha.
Kalanga Bible © Bible Society of Botswana, 2008, 2018.