Njimbo 16
16
Ntembezelo wekugutshika
1Mundibakilile Ndzimu, ngoti ndotizhila kumuli.
2Ndoti kuna Yahwe, “Ndimwi She wangu;
Andina tjimwe tjakanaka kuzhe kwenyu.”
3Koga ha kuli ngekwe bayengemali bamu shango,
banokudziwa, banondishathisa kwazo.
4Ibabo banotobela ndzimu upoga
banozwipaphidzila buyendasi,
andingatebule tjipo tjabo tje tjing'o tje malopa
kene kuli kudana mazina abo.
5Yahwe ndibo gobe langu ne thaka yangu,
ndimwi makabhata gobe langu.
6N'gathu wandiyendila zwakanaka
mu magalo akanaka,
ndina thaka yakanaka seni!
7Ndowokudza Yahwe ibo banondilaya,
mu busiku nkumbulo wangu unonditjenjedza.
8Ndoziba kuti Yahwe banami misi yose,
bapejopejo, ndizo akuna tjingandizunguza.
9Ndizo moyo wangu wakashatha,
ne meya yangu yakashatha,
mbili wangu unonyaluluka wakatjengeteka.
10 #
Mishingo 13:35
Ngobe amungandiletje ndingina mu bugalo gwe bafi,
kene kuli kuletja N'yengemali wenyu ebola.
11 #
Mishingo 2:25-28
Mondilakidza zila ye butjilo.
Ha muliyapo ndizhele kushatha,
ku luji gwenyu kushatha kusingapele.
Kalanga Bible © Bible Society of Botswana, 2008, 2018.