Njimbo 146
146
Kudziwa kwa Yahwe ntjidzi
1Kudza Yahwe!
Kudza Yahwe, iwe meya yangu!
2Ndowokudza Yahwe ha nditjatjila,
ndowomba njimbo dzinokudza
Yahwe butjilo gwangu gose.
3Usigalebgwe mu bakololo be bushe,
mu bathu ibo basina bhatsho.
4Ha meya yabo ithubukana nabo
banobgwilila mu mavu muna
ilelo zhuba mazwimisilo abo anopela.
5Wakakombolegwa iye unowana bhatsho
mu Ndzimu wa Jakubo,
iye unogalabgwe muna Yahwe Ndzimu uwe,
6 #
Mishingo 4:24; 14:15 iwo wakathama kudzimu ne shango,
gungwa na zose zwimuzwili,
iwo unogalikabgwe nge kusingapele.
7Iwo unolakidza ndulamo muna bakatshambilidziwa,
iwo unopa bana zhala zojiwa.
Yahwe banosunungula basungwa,
8Yahwe banopofunula mapofu,
Yahwe banomisa nge makumbo ibabo bakagoba,
Yahwe banoda balulwami.
9Yahwe banotjengeta bataya,
banobhatsha siyang'wa ne tjilikadzi,
koga banofubisa zila ye babi.
10Yahwe banowobusa nge kusingapele,
Ndzimu uwo, iwe Ziyoni, we zwizekugwana zose.
Kudza Yahwe!
Kalanga Bible © Bible Society of Botswana, 2008, 2018.