Njimbo 141
141
Ntembezelo we madekwana
1Ndodana imwi Yahwe, tjimbidzani muzhe kundili,
teedzani hwi langu ha ndimudana.
2 #
Zumbunulo 5:8
Ntembezelo wangu ngaunge motsha unonuhwa zwinozipa mbeli kwenyu
ne kumilidza maboko angu kunge tjibhayilo tje madekwana.
3Mubige nlisi pa nlomo wangu, imwi Yahwe,
galani makalisa zhuka kwe nlomo wangu.
4Musitongoshandulila moyo wangu ku bubi kene guli gupi,
kwandinganginikana ne mishingo mibi,
ndashanganyila ne bashingi be zwibi
musindiletje aja mizipo yabo.
5Imani nlulwami andilobe,
n'galimoyo andikumbuludze.
Mafuta e babi ngaasizhodziwe mu nsholo wangu,
ngobe ntembezelo wangu unogwa misi yose ne mishingo yabo mibi.
6Ha batjilongwa mu maboko a ibabo banowobasumikilisa,
ndiko kwabanowoziba kuti matama a Yahwe malebeswa.
7Se bgwe linokwamugwa likapkhwanyikila pasi,
ndiko mafupa abo sekwa kwaanowoandamisiwa pa nlomo we gomba le lufu.
8Koga mesho angu akalinga kumuli, imwi Yahwe, She wangu,
ndoshaka dizhilo mu muli, musindiletjedze ndifa.
9Mundibakilile mu gwanga gwabakandilukila,
ne mu bhuzha le bashingi be bubi.
10Babi ngabawile mu makwanga abo,
imi ndipudzumuke!
Kalanga Bible © Bible Society of Botswana, 2008, 2018.