Njimbo 142
142
Ntembezelo unokumbila bhatsho
1Nge hwi langu ndolilila kuna Yahwe
nge hwi langu ndotembezela kuna Yahwe.
2Ng'ong'ola kwangu ndokuzhisa mbeli kwabo,
ndoleba kudziyidzika kwangu mbeli kwabo.
3Ha ndipela meya,
moziba zila yangu.
Mu zila yandinotobela
bakanditshila bhuzha.
4Lingani ku luboko gwangu gwe luji mubone,
akuna iye una hanya nami,
akuna dizhilo landisalila,
akuna una tjimwe nami.
5Ndomulilila, imwi Yahwe,
ndoti, “Ndimwi dizhilo langu,
gobe langu mu shango ye batjili.”
6Hwililani tjililo tjangu,
ngobe ndopelegwa nge simba.
Mundiangule mu bagwadzisi bangu,
ngobe banondikulila.
7Mundiduse mu ng'umba ye busungwa,
kuti ndizo ndiboke zina lenyu.
Balulwami banowondipoteleka,
ngobe mowondithamila ndulamo nge buzhalo.
Kalanga Bible © Bible Society of Botswana, 2008, 2018.