Njimbo 140
140
Ntembezelo we mbakililo
1Mundiangule imwi Yahwe, mu bathu babiibi
mundibakilile muna ibabo banoda ngwa,
2ibabo banoalakana zwithu zwibiibi mu mikumbulo yabo
kakale bemusa ngwa zhuba ne zhuba.
3 #
Baroma 3:13
Banokuswa ndimi dzabo dzikapitsha se dze nyoka,
mukati kwe milomo yabo kuzhele bushungu gwe zwitumbimilidzo.
4Mundibakilile imwi Yahwe mu maboko e babi.
Mundibakilile muna banoda ngwa
bakazwimisila kundidusa mu zila.
5Banozwikudza bakandisumbikila bhuzha
kakale bakandiwalila gwanga nge misungo,
bakanditeya nenge pakati kwe zila.
6Ndodwa Yahwe nditi, “Mu Ndzimu wangu,
mundihweni Yahwe, mu ntembezelo wangu!”
7Imwi Yahwe, She wangu, ntjidzi wangu wakasima,
makafukidza nsholo wangu mu zhuba le ngwa.
8Musiletje babi bakashinga njemulo dzabo,
imwi Yahwe, musidwilidze mazwimisilo abo e bubi.
9Ibabo bakandipoteleka,
bubi gwabano ndiyemulila
ngagushanduke guwile pezhugwi kwabo!
10Masimbe anopisa ngaatebukile pezhugwi kwabo!
Ngabatshindikigwe mukati kwe gomba, basitjafe babhuda!
11Nlebi we shaya ngaashaye midzi mu shango,
bubi ngagutjimbidze guvime banoda ngwa gubatshibikile!
12Ndoziba kuti Yahwe banomila ndebeleko ye nsheti,
kakale banothamila ndulamo bashayi.
13Tjoselele balulwami banowotenda zina lenyu,
bakatambunuka banowotjilila mbeli kwenyu.
Kalanga Bible © Bible Society of Botswana, 2008, 2018.