Njimbo 13
13
Lumbo gwa Dafite embila ntungamili.
Ntembezelo we kusunungugwa mu zwita
1Kowobe kwe tjibaka tjingapani Yahwe?
Apa mowondikangang'wila tjose kene?
Mowondisumbikila buso
gwenyu kuswikila lini kene?
2Ndowodzikitadzila zogwadza
kuswikila lini kene?
Apa ndowobe ne buyendasi
mu moyo wangu zhuba lose kene?
Kowobe kwe tjibaka tjingapani
zwita zwangu zwindikulila kene?
3Mundilinge Yahwe Ndzimu wangu, mundidabile.
Mundisimise kuti ndisiyizele hwope dze lufu.
4Tjita tjangu tjingadwa tjiti, “Ndankunda,”
zwita zwangu zwingashatha kwazo kuti ndakundiwa.
5Koga ndogalabgwe mu ludo gwenyu gusingazunguzike;
moyo wangu unowoshatha mu jidzo lenyu.
6Ndowombila Yahwe,
ngoti bakandithamila kwakalulwama.
Kalanga Bible © Bible Society of Botswana, 2008, 2018.