Njimbo 12
12
Ntembezelo we bhatsho
1Mutibhatshe Yahwe,
ngobe akutjina iye wakalulwama,
ngobe bagalimoyo bakapela
pakati kwe bathu.
2Mmwe ne mmwe
unonyepela mbakidzani uwe.
Banotjebelana nge
kufalaidzana nge milomo yabo.
3Yahwe ngabanyaladze
milomo yose inofalaidza,
ne lulimi gumwe ne gumwe
gunozwikudza guti,
4“Nge ndimi dzedu towotubula,
towoleba tjimwe ne tjimwe tjatinoshaka
ndiyani ungatimisa.”
5“Ngekuti bashayi banodziyidziwa,
banosheta banogomela,
ngwenu ndowomilika, koleba Yahwe,
ndowobabiga pakabakililika,
ipo pabakashuba.”
6Kugadzabgwe kose kwa Yahwe kwakatjena,
konga siliva yakapisiwa kutjenesiwa,
ikatjenesiwa katendeka.
7Mutivikilile Yahwe,
mutitjengete mu bathu
bakajali nge kusingapele!
8Babi banoyenda kumwe ne kumwe
ha tjakabipa tjikudziwa pakati kwe bathu.
Kalanga Bible © Bible Society of Botswana, 2008, 2018.