Njimbo 126
126
Mitembezelo ye sununguko
1Kwakati Yahwe bebuzila bakabe batapkhwa ku Ziyoni,
takanga banowolota.
2Tikaseka tikagwadziwa nge mbadu,
ne ndimi dzedu tikapululudza,
ndizo Bezwitjaba bakaleba beti,
“Yahwe babathamila zwithu zwikulukulu.”
3Yahwe batithamila zwithu zwikulukulu,
ngono toshatha.
4Mutibuzile thundu dzedu, imwi Yahwe,
se hwobana dziku Negebu.
5Banodzwala nge mishodzi
ngabavune nge mipululu.
6Ibo banowobhudila kuzhe belila,
bakasenga mbewu kunodzwala,
banowoshanduka ne mipululu,
bakasenga mathunde abo.
Kalanga Bible © Bible Society of Botswana, 2008, 2018.