Njimbo 125
125
Mbakililo ye bathu be Ndzimu
1Ibabo banogalabgwe muna Yahwe banonga Dombo le Ziyoni,
lisingake likatshedugwa, koga lakadzikila nge kusingapele kose.
2Se matombo akapoteleka Jerusalema,
Yahwe na ibobo bakapoteleka bathu babo,
kudwa sangwenu kunoti nge kusingapele kose.
3Swimbo ye bushe gwe mbipo aingagale
mu shango yakapiwa balulwami,
kuti ndizo balulwami basitongo tambunudza
maboko abo kuthama bubi.
4Thamilani ndulamo ibabo bakalulwama imwi Yahwe,
nanga ibabo be mimoyo yakatambunuka.
5Koga ibabo banoyendila ntome kwe zila dzabo dzakakombama,
Yahwe banobatatila kutjena ne bashingi be mbipo.
Kunyalala ngakubepo mu Iziraela!
Kalanga Bible © Bible Society of Botswana, 2008, 2018.