Njimbo 127
127
Ndzimu unotothodza nzi
1Kuzhe kwe kuti Yahwe babake ng'umba,
ibabo banoibaka banoshingila masimba malashe.
Kuzhe kwekuti Yahwe balinde nzi nkulu,
nlindi unolindila suli.
2Akuna bhatsho kumuka mangwanana
ngono mube munoyizela pakati kwe busiku,
muja zojiwa nge mang'oni,
ngobe banopa hwope babo babanoda.
3Bana lukata gunodwa kuna Yahwe,
ba ntjelo we tjibumbilo.
4Bana bakazwagwa mu butjetjana gwe nthu,
banonga misebe imu luboko gwe mbayani.
5Kwakakombolegwa nthu una bana banjinji.
Ngobe aatokundiwa
ha enyanyayidzana ne zwita zwizwe mu lubazhe.
Kalanga Bible © Bible Society of Botswana, 2008, 2018.